សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តtoyota prus បេីកផ្លូវបញ្ច្រាសទិសចរាចរណ៍ ត្រូវរថយន្ត ford raptorsបេីកផ្លូវត្រង់ជ្រុលទៅកៀរ បណ្ដាលឲ្យរងការខូចខាត ស្រាប់តែភាគីទាំងសងខាង ចុះពីលេីរថយន្ដ ឈ្លោះប្រកែកគ្នាផ្អើលពេញផ្លូវតែម្តង ។
ហេតុការណ៍នេះបានកេីតឡេីងនៅវេលាម៉ោង៨និង៣០នាទីយប់ ថ្ងៃទី១៦ខែធ្នូឆ្នាំ២០២៤ទល់មុខក្រុមហ៊ុនសែលខាត ផ្លូវព្រះសីហនុសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរសម្នាក់ បានបេីករថយន្តម៉ាក toyota prus ពណ៌ប្រផេះ ពាក់ស្លាកលេខ ភ្នំពេញ2BQ 4485 បានបេីកធ្វើដំណើរតាមបណ្ដោយផ្លូវ ព្រះសីហនុទិសដៅ ពីកេីតទៅលិច លុះមកដល់ចំណុចកេីតហេតុ ក៏បានឆ្លងផ្លូវបញ្ច្រាសទិសចរាចរណ៍ ហើយគាប់ជួនពេលនោះ ក៏ស្រាប់តែបុរសម្នាក់ទៀត បានបេីករថយន្តម៉ាក ford raptors ពណ៌ប្រផេះ ពាក់ស្លាកលេខ 2BF 9577 បានបេីកធ្វើដំណើរតាមបណ្ដោយផ្លូវព្រះសីហនុ ទិសដៅពីលិចទៅកេីតត្រង់ក៏ជ្រុលកៀរនិងរថយន្ត toyota prus បណ្ដាលឲ្យធ្លាក់កាងកណ្ដាល និងបែកស្តុបក្រោយចំហៀងខាងស្តាំ ។
ដោយឡែកខាងរថយន្តford raptors វិញរងការខូចខាតផែ្នកខាងមុខចំហៀងខាងស្តាំតិចតួចតែប៉ុណ្ណោះ តែអ្វីៗដែលជាក់ស្ដែងភាគីទាំងសងខាង ចុះពីលេីរថយន្ដ ក៏ស្រាប់តែឈ្លោះប្រកែក ប្រេីពាក្យសម្ដីមិនសមរម្យដាក់គ្នាផ្អេីលពេញផ្លូវ រហូតទាល់តែសមត្ថកិច្ចមូលដ្ឋានបានចុះទៅដល់ទេីបភាគីទាំងសងខាង ស្ងាត់មាត់រៀងៗខ្លួន ។
ក្រោយពេលកេីតហេតុ ភាគីទាំងសងខាងសម្របសម្រួលគ្នាមិនត្រូវនោះទេ ដោយម្ខាងទាមទារសំណងនិងម្ខាងទៀតសុំស្មេីគ្នា ចឹងហើយសមត្ថកិច្ចសម្រេចវាស់វែងយកទៅរក្សាទុកនៅការិយាល័យនគរបាលចរាចរណ៍ រង់ចាំដំណោះស្រាយពេលក្រោយ ៕
ដោយ៖ សុខាសែនជ័យ
