សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសបាក់ភ្លៅម្ខាងត្រូវបានរថយន្តកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗបន្ទាប់ពីជួបគ្រោះថ្នាក់ចរាចរណ៍កាលពីវេលាម៉ោង២២និង១៤នាទីយប់ ថ្ងៃទី២២ ខែធ្នូ ឆ្នាំ២០២៤ នៅតាមផ្លូវជាតិលេខ៤ ភូមិកន្ទោកជេីង សង្កាត់កន្ទោក ខណ្ឌកំបូល រាជធានីភ្នំពេញ។
ជនរងគ្រោះមានឈ្មោះ សៀរ ប្រុសពេជ្រ ភេទប្រុស អាយុ២២ឆ្នាំ រងរបួសបាក់ភ្លៅខាងស្តាំ មានទីលំនៅរស់នៅ ភូមិឈេីទាលភ្លោះ ឃុំកញ្ជរ ស្រុកឆ្លូង ខេត្តក្រចេះ។
តាមប្រភពព័ត៌មានបានឲ្យដឹងថា មុនពេកេីតហេតុគេបានឃេីញជនរងគ្រោះជិះម៉ូតូម៉ាកនិចធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីកេីតទៅលិចខណៈមកដល់ចំណុចកេីតហេតុក៏បត់ឆ្វេងឆ្លងផ្លូវភ្លាមនោះមានរថយន្តកុងតឺន័រមួយគ្រឿងមិនចាំស្លាកលេខបេីកមកពីលិចទៅកេីតជ្រុលបុកបណ្តាលឲ្យជនរងគ្រោះរងរបួសបាក់ភ្លៅខាងស្តាំ ហើយរថយន្តបង្កបានបេីកគេចខ្លួនបាត់។
ក្រោយកេីតហេតុជនរងគ្រោះត្រូវបានរថយន្តសង្រ្គោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ចំណែកម៉ូតូត្រូវបានសមត្ថកិច្ចយកទៅរក្សាទុក៕
ដោយ៖សុខាសែនជ័យ
