សារព័ត៌មាន នគរវត្ត តែងតែនាំមុខគេជានិច្ច
ភាពតានតឹងរវាងរុស្ស៊ី នឹងអាមេរិក នាពេលនេះ បានជម្រុញឲ្យប្រទេសទាំងពីរ ងាកទៅរកសង្គ្រាមនឹងគ្នា នាពេលអនាគត់។ ទាំងនោះហើយ អាមេរិក និងរុស្ស៊ីបានខិតខំផលិតអាវុធទំនើប ដើម្បីជាការយកឈ្នះពេលមានហេតុការអាក្រក់កើតឡើង ។
កន្លងមក រុស្ស៊ីបានផលិតមីស៊ីល ដែលអាចវាយទម្លុះជញ្ជាំងការពាររបស់អាមេរិក ចំណែកអាមេរិកវិញ បានផលិតកាំជ្រួចឡាស៊ែរសម្រាប់កម្ទេចមីស៊ីលល្បឿនលៀនរបស់រុស្ស៊ី ។ នៅពេលនេះ រុស្ស៊ីបានបញ្ជេញយន្តហោះចម្បាំងជំនន់ទី៥ ដែលជាយន្តហោះទំនើបបំផុត។
មន្ត្រីជាន់ខ្ពស់ក្នុងក្រសួងការពារជាតិរុស្ស៊ីបានបញ្ជាក់ថា យន្តហោះចម្បាំង Sukhoi PAK FA (T-50) ៦គ្រឿង កំពុងស្ថិតនៅក្រោយ ការធ្វើតេស្តសាកល្បង ហើយយន្តហោះប្រភេទនេះ នឹងទំនងជានំាចូលទៅប្រើ ក្នុងកងទ័ពអាកាសរុស្ស៊ី ក្នុងឆ្នាំ ២០១៧។
តាមការចុះផ្សាយរបស់ UPI នៅថ្ងៃទី ២០ ខែកញ្ញា ឆ្នាំ ២០១៦ Sukhoi PAK FA (T-50) គឺជាយន្តហោះចម្បាំងជំនាន់ទី៥ ដំបូងរបស់រុស្ស៊ី ដែលមានគូបដិបក្ខ ចម្បងរបស់វា គឺយន្តហោះចម្បាំង F-35 និង F-22 របស់សហរដ្ឋអាមេរិក និងយន្តហោះចម្បាំង Chengdu J-20 និង Shenyang J-31 របស់ចិន ហើយយន្តហោះចម្បាំង T-50 នេះមួយគ្រឿង មានតម្លៃប្រហែល ៥០លានដុល្លារ។
នៅពេលដែលកម្លាំងទាហានអាកាសរុស្សីមានយន្តហោះចម្បាំងខាងលើ មិនខុសអ្វីពីខ្លាដុះស្លាបឡើយ អាចវាយប្រហារទៅលើគោលដៅបានយ៉ាងរហ័សបំផុត ។ ទាំងនោះហើយ ធ្វើឲ្យអាមេរិកកាន់តែបារម្ភថែមទៀត ហើយអាមេរិកក៏ត្រូវបង្កើតការផលិតអាវុធរបស់ខ្លួនផងដែរ ៕ ម៉ែវ សាធី
