សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ សមត្ថកិច្ចបានឃាត់ ខ្លួនជនសង្ស័យ៥នាក់ជាមុខសញ្ញាធ្វើសកម្មភាពកាច់សោរម៉ូតូកាលពីវេលាម៉ោង២និង ៣០នាទីរសៀល ថ្ងៃទី២២ ខែតុលា ឆ្នាំ ២០១៦ នៅចំណុចក្រុមទី៧ ស្ថិតក្នុងភូមិ១ សង្កាត់លេខ៣ ក្រុង-ខេត្តព្រះសីហនុហើយបានកសាងសំណុំរឿងបញ្ជូនទៅតុលាការនៅព្រឹកថ្ងៃទី២៣ ខែកញ្ញា ឆ្នាំ២០១៦។
មន្ត្រីនគរបាលក្រុងព្រះសីហនុបានឲ្យ ដឹងថា ជនសង្ស័យទាំង៥នាក់ ដែលសមត្ថ កិច្ចឃាត់ខ្លួន ទី១- ឈ្មោះ ស៊ុន រ៉ាវី ភេទប្រុស អាយុ២២ឆ្នាំ មុខរបរមិនពិតប្រាកដ, ទី២-ឈ្មោះ ចាន់ វ៉ាន់ ភេទប្រុស អាយុ៣២ឆ្នាំ មានទីលំនៅភូមិ២ សង្កាត់លេខ២ ក្រុង- ខេត្តព្រះសីហនុ, ទី៣-ឈ្មោះ ស្រួន ធី ភេទ ប្រុស អាយុ១៥ឆ្នាំ ស្នាក់នៅក្រុមទី៧ ភូមិ១ សង្កាត់លេខ៣ ក្រុង-ខេត្តព្រះសីហនុ, ទី៤-ឈ្មោះ ដារា វីដ ភេទប្រុស អាយុ២៣ឆ្នាំ ស្នាក់នៅក្រុមទទី៧ ភូមិ១ សង្កាត់លេខ៣ ក្រុង-ខេត្តព្រះសីហនុ និងទី៥-ឈ្មោះ ឈួន កញ្ញា ភេទស្រី អាយុ១៤ឆ្នាំ មានទីលំនៅ ក្រុមទី៧ សង្កាត់លេខ៣ ក្រុង-ខេត្តព្រះ សីហនុ។
បច្ចុប្បន្នជនសង្ស័យទាំង៥នាក់ខាងលើ ត្រូវបានសមត្ថកិច្ចឃាត់ខ្លួនបញ្ជូនពីអធិការដ្ឋាននគរបាលក្រុងព្រះសីហនុបន្តមកការិយាល័យព្រហ្មទណ្ឌកម្រិតស្រាលដើម្បី កសាងសំណុំរឿងដើម្បីចាត់ការតាមនីតិវិធី៕ ឆ្លាមសមុទ្រ
