សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យ៉ាងហោចណាស់មនុស្ស៤នាក់ ត្រូវកម្លាំងសមត្ថកិច្ចនគរបាលប៉ុស្តិ៍រដ្ឋបាលចាក់អង្រែក្រោម សហការនឹងកម្លាំងនគរបាលខណ្ឌមានជ័យចាប់ឃាត់ខ្លួនកាលពីវេលាម៉ោង៤និង៣០នាទីនាថ្ងៃទី១ ខែមករា ឆ្នាំ២០១៧ នៅចំណុចភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ ពាក់ព័ន្ធករណីជួញដូរគ្រឿងញៀន។
សមត្ថកិច្ចប្រាប់ថា ជនសង្ស័យមានឈ្មោះ សែ ជីវ័ន្ត ភេទប្រុស អាយុ៣៤ឆ្នាំ មុខរបរ មិនពិតប្រាកដ ស្នាក់នៅផ្ទះជួល ផ្លូវលំ សង្កាត់បឹងត្របែក ខណ្ឌចំការមន។ ទី២/ឈ្មោះ រិទ្ធ សុវណ្ណារ៉ា ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅផ្ទះលេខ១៥៥ ផ្លូវលំ ភូមិ ព្រែកតាឡុង សង្កាត់ចាក់អង្រែក្រោម ខណ្ឌមានជ័យ។ ទី៣/ឈ្មោះ ម៉ៅ សុខគាន ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅផ្ទះលេខ១៦៨ ផ្លូវលំ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ និងទី៤/ឈ្មោះ យូ ដាវិត ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅផ្ទះលេខ១០៤ ផ្លូវលំ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ។
សមត្ថកិច្ចបន្តឲ្យដឹងទៀតថា ក្នុងវត្ថុតាងដកហូតមានក្រាមពណ៌សថ្លាចំនួន១៤ថង់ និងឧបករណ៍សម្រាប់ប្រើប្រាសមួយចំនួន។
បច្ចុប្បន្នជនសង្ស័យ៤នាក់ខាងលើរួមនឹងវត្ថុតាងត្រូវបញ្ជូនទៅកាន់អធិការដ្ឋាននគរ បាលខណ្ឌមានជ័យ ដើម្បីកសាងសុំណំរឿងបញ្ជូនទៅតុលាការ៕ តាឡឹម
