សារព័ត៌មាន នគរវត្ត តែងតែនាំមុខគេជានិច្ច
ក្រុម Deportivo Alavés ត្រូវបានអ្នកតាមដានវិស័យកីឡាបាល់ទាត់អន្តរជាតិចាប់អារម្មណ៍យ៉ាង ខ្លាំងដោយក្រុមនេះបានទម្លាក់ក្រុមខ្លាំង Celta Vigo ក្នុងលទ្ធផល ១-០ នៅជើងទី២ក្នុងទឹកដី របស់ខ្លួន ឈានទៅវគ្គផ្តាច់ព្រ័ត្រក្នុងក្របខ័ណ្ឌអេស្ប៉ាញ Copa del Reyកាលពីរាត្រីថ្ងៃទី៨ ខែកុម្ភៈ។
មួយគ្រាប់របស់ក្រុម Alavés រកបានដោយកីឡាករ Edgar Méndez នៅនាទីទី៨២ ដោយការ បញ្ជូនបាល់ឲ្យដោយកីឡាករ Víctor Camarasa ។ កីឡាករ Edgar Méndez គ្រាន់តែដូរចូលជំនួសកីឡាករ Toquero នៅនាទីទី៧៩ភ្លាមក៏បានរកគ្រាប់បាល់បានភ្លាម ធ្វើ ឲ្យក្រុម Alavés អបអរនិងសប្បាយរីករាយយ៉ាងខ្លាំង។
សម្រាប់ក្រុម Alavés គឺជាប្រវត្តិសាស្ត្ររបស់ក្លិបដែលបានឈានចូលដល់វគ្គផ្តាច់ព្រ័ត្រក្នុង ក្របខ័ណ្ឌអេស្ប៉ាញ Copa del Rey បន្ទាប់ពីក្រុមនេះបានធ្លាក់ទៅលេងនៅលីកទី២កាលពី រដូវកាលមុន។
ចំណែកក្រុមការពារតំណែងជើងឯក Barcelona យកឈ្នះក្រុម Atletico Madrid ទាំង២ជើងក្នុងលទ្ធផល ៣-២ កាលពីពុធកន្លងទៅ។ ក្រុមខ្លាំង Barcelona ត្រូវប្រកួតជាមួយ ក្រុមចំណូលថ្មី Alavés ក្នុងការការពារតំណែងជើងឯករបស់ខ្លួន។
គួរបញ្ជាក់ថា ក្រុម Barcelona កាលពីឆ្នាំ២០១៥បានយកឈ្នះក្រុម Bilbao ក្នុងលទ្ធផល ៣-១ ធ្វើឲ្យក្រុម Barcelona ក្លាយជាម្ចាស់ជើងឯក។ ក្រុម Barcelona នឹងត្រូវប្រកួតជាមួយក្រុម Alaves នៅខែឧសភា ឆ្នាំ២០១៧ខាងមុខដើម្បីការពារតំណែងជើងឯករបស់ខ្លួន ៕
ខាងក្រោមនេះគឺជាលទ្ធផលនៃការប្រកួតបាល់ទាត់កាលពីថ្ងៃទី៨ ខែកុម្ភៈ ឆ្នាំ២០១៧៖
