សារព័ត៌មាន នគរវត្ត តែងតែនាំមុខគេជានិច្ច
តាមការប្រកាសឲ្យដឹងពីក្លិបរបស់អារ៉ាប់រួមបានឲ្យដឹងថាអតីតប្រធានក្រុមជម្រើសជាតិអាហ្សង់ទីន Diego Maradona បានបញ្ចប់ភាពស្ងប់ស្ងាត់ក្នុងពិភពបាល់ទាត់រយៈពេល៥ឆ្នាំ ដោយចូលទៅកាន់ការងារជាគ្រូបង្វឹកក្លិប Al-Fujairah នៃលីគទី២អារ៉ាប់រួម។
ក្លិបAl-Fujairah បានលើកបង្ហោះរូបភាពអតីតខ្សែប្រយុទ្ធក្លិប Boca Juniors និង Napoli ខាងលើកាន់អាវក្លិបថ្មីដែលមានលេខ១០នៅខ្នង។
មុនវិលចូលធ្វើការងារក្នុងវិស័យបាល់ទាត់ឡើងវិញ បុរសវ័យ៥៦ឆ្នាំដដែលធ្លាប់ធ្វើជាគ្រូបង្វឹកជម្រើសជាតិអាហ្សង់ទីន និង នាំក្រុមទៅលេង FIFA World Cup 2010 ហើយក្រោយមកបានទៅដឹកនាំក្លិប Al Wasl នៅលីគកំពូលអារ៉ាប់រួមបានមួយឆ្នាំដល់ឆ្នាំ២០១១។
ដោយឡែកកាល ខែកុម្ភៈ លោក Maradona ត្រូវបានតែងតាំងជាទូតសុច្ឆន្ទៈនៃសមាគមបាល់ទាត់ពិភពលោក FIFA។
ដំណឹងនៃការវិលទៅដឹកនាំក្រុមថ្មីនេះ កើតឡើងមួយថ្ងៃក្រោយលោក Jorge Cyterszpiler ដែលជាភ្នាក់ងារដំបូង និង ជាមិត្តរបស់លោក Maradona បាត់បង់ជីវិត នៅក្រុង Buenos Aires ប្រទេសអាហ្សង់ទីន៕ ដេវីត
