សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៣នាក់ ត្រូវបានកម្លាំងនគរបាលព្រហ្នទណ្ឌសហការជាមួយកម្លាំងនគរបាលប៉ុស្តិ៍កំបូល ធ្វើការឃាត់ខ្លួនពាក់ព័ន្ធនិងករណីជួញដូរនិងប្រើប្រាស់គ្រឿងញៀនដកហូតថ្នាំ០៥កញ្ចប់ ម៉ូតូ០២គ្រឿង និងវត្ថុតាងមួយចំនួន ។
ប្រតិបត្តិការចុះបង្ក្រាបខាងលើនេះ បានធ្វើឡើងនៅវេលាម៉ោង៣រសៀល ថ្ងៃទី៣០ ខែឧសភា ឆ្នាំ២០១៧ នៅចំណុចបន្ទប់ជួលគ្មានលេខ ភូមិតាសេក សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទី១.ឈ្មោះ ផាត់ សាវឿន ភេទប្រុស អាយុ ៣១ឆ្នាំ(ម្ចាស់ថ្នាំ)ទី២.ឈ្មោះ ធី វណ្ណា ភេទប្រុស អាយុ ២៦ឆ្នាំទី៣.ឈ្មោះ តី ហឿន ភេទប្រុស អាយុ១៨ឆ្នាំ ។
សមត្ថកិច្ចបានអោយដឹងថា នៅមុនពេលចុះបង្ក្រាបដោយ មនការផ្តល់ដំដឹងពីប្រជាពករដ្ឋបានរាយការណ៍ថានៅចំណុចទីតាំងខាងលើ ថាមានករណីជួញដូរនិងប្រើប្រាស់គ្រឿងញៀនដោយខុសច្បាប់ ក្រោយពីទទួលបានព័ត៌មាននេះភ្លាមៗសមត្ថកិច្ចមូលដ្ឋាននិងជំនាញបានស្រាវជ្រាវស៊ើបអង្កេត និងឆ្មក់ចូលបង្ក្រាប់ជាក់ស្តែង និងបានឆែកឆេរដកហូតបានថ្នាំញៀនចំនួន៥កញ្ចប់ថង់តូច ទូរស័ព្ទដៃ២គ្រឿង ម៉ូតូ២គ្រឿង និងឧបករណ៍ប្រើប្រាស់មួយចំនួន។
បច្ចុប្បន្នជនសង្ស័យទាំង៣នាក់រួមជាមួយវត្ថុតាង ត្រូវបានកម្លាំងបញ្ចូនមកកាន់ផ្នែកនគរបាលយុត្តិធម៌ នៃអធិការរដ្ឋានននគរបាលខណ្ឌពោធិសែនជ័យ ដើម្បីកសាងសំណុំរឿងបញ្ជូនទៅតុលាកា៕ សុខាសែនជ័យ
