ផឹកស៊ីមានកាំភ្លើងជាប់នឹងខ្លួនទាល់តែហ៊ានដកបាញ់ទើបគេហៅថាខ្លាំង

ភ្នំពេញ៖ ហេតុការណ៍ភ្ញាក់ផ្អើលមួយបន្ទាប់ពីស្នូផ្ទុះកាំភ្លើងនៅកណ្តាលទីក្រុងបង្កការភ្ញាក់ផ្អើលទាំងកណ្ដាលយប់និង បណ្ដាលឲ្យបុរសម្នាក់រងរបួសជើង ខណៈដែលមន្រ្តីនគរបាលម្នាក់កំពុងផឹកស៊ីជិតគ្នា ហើយបានទាស់សម្តីគ្នាបន្តិចបន្តួចរហូតដល់ខឹង ក៏ដកកាំភ្លើងបាញ់តែម្តង ប៉ុន្តែភ្លាមនោះត្រូវសមត្ថកិច្ចអន្តរគមន៍ចាប់បានជនសង្ស័យ២នាក់ ពីបទ ហិង្សាដោយចេតនាមានស្ថានទម្ងន់ទោស(ផ្ទុះអាវុធខ្លីបណ្តាលឲ្យខ្ទាតថ្មត្រូវរបួស) និងពីបទហិង្សាដោយចេតនា (ដាល់បណ្តាលឲ្យរបួស) ។

ករណីភ្ញាក់ផ្អើលខាងលើនេះ បានកើតឡើងកាលពីវេលាម៉ោង៧និង៣០នាទីយប់ ថ្ងៃទី៦ ខែកញ្ញា ឆ្នាំ២០១៧ ស្ថិតក្នុងនៅម្តុំផ្លូវរថភ្លើងបឹកកក់(R6) សង្កាត់ស្រះចក ខណ្ឌដូនពេញ រាជធានីភ្នំពេញ ។

តាមប្រភពព័ត៌មានពីសាក្សីដែលបានឃើញហេតុការណ៍នេះ បានឲ្យដឹងថា នៅមុនពេលកើតហេតុ បុរសទាំង២នាក់បានអង្គុយផឹកស៊ីក្បែរគ្នានៅកន្លែងកើតហេតុ រហូតទាស់សម្តីដាក់គ្នា ជនរងគ្រោះបានដើរទៅច្រានទ្រូងជនបង្ករ ទើបជនបង្ករដែលជាមន្ត្រីនគរបាល ដោយខ្លួនមានកាំភ្លើងនៅចង្កិះ បានដកបាញ់ភ្ចុចដីចំនួន១គ្រាប់ផ្លាតចំជើងឆ្វេងបុរសដែលទៅច្រានទ្រូងរងរបួសស្រាល ។

ជនសង្ស័យត្រូវឃាត់ខ្លួនទី១ ឈ្មោះ នួន សីកុង ភេប្រុសអាយុ៥០ឆ្នាំ ជនជាតិខ្មែរមុខរបរ ជាមន្រ្តីនគរបាលជាតិអង្គភាព អន្តរាគមន៍ពិសេសនៃអគ្គស្នងការនគរបាលជាតិមានឋានន្តរសក្តិអនុសេនីយ៏ត្រីស្នាក់នៅផ្ទះលេខ៣២ ផ្លូវបេតុងភូមិដីថ្មីសង្កាត់ភ្នំពេញថ្មីខណ្ឌសែនសុខ រាជធានីភ្នំពេញ(ត្រូវជនសង្ស័យឈ្មោះសោម វិសាល ដាល់ចំថ្ពាល់ខាងស្តាំហើមជាំ) ពីបទហិង្សាដោយចេតនាមានស្ថានទម្ងន់ទោស(ផ្ទុះអាវុធខ្លី បណ្តាលឲ្យខ្ទាតថ្ម ត្រូវរបួស) ឈ្មោះសោម វិសាល ភេទប្រុសអាយុ ៣០ឆ្នាំ ជនជាតិខ្មែរ មុខរបរមិនពឹតប្រាកដ ស្នាក់នៅផ្ទះលេខ៦៥ ផ្លូវរថភ្លើង សង្កាត់ស្រះចកខណ្ឌដូនពេញរាជធានីភ្នំពេញ(ត្រូវជនសង្សយ័ ឈ្មោះនួន សីកុង បាញ់មួយគ្រាប់បណ្តាលឲ្យខ្ទាតថ្ម ត្រូវរបួសចំ ចុងភ្លៅខាងឆ្វេង)ពីបទហិង្សាដោយចេតនា(ដាល់បណ្តាលឲ្យរបួស) ។

វត្ថុតាងចាប់យក៖ អាវុធ ខ្លីមួយដើមម៉ាករ៉ូឡូ លេខ606806 គ្រាប់ចំនួន៥គ្រាប់ សំបកគ្រាប់ចំនួន១ ស្រោមអាវុធខ្លីពណ៏ខ្មៅ១ បណ្ណ័សម្គាល់អាវុធខ្លីមួយ, លិខិតបញ្ជារបេសកម្ម១ អត្តសញ្ញាណបណ្ណ័នគរបាលជាតិមួយនិងម៉ូតូ១គ្រឿងម៉ាក យ៉ាម៉ាហា G P ពណ៌ស លាយខៀវពាក់ស្លាកលេខនគរបាល 1 0369(ចាប់យកពីឈ្មោះនួន សីកុង) ។

បច្ចុប្បន្នជនសង្ស័យទាំងពីរនាក់កំពុងឃាត់ខ្លួននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងតាមនីតិវិធី ៕ ស តារា