សារព័ត៌មាន នគរវត្ត តែងតែនាំមុខគេជានិច្ច
ក្លិប Crystal Palace បានបង្ហើបឲ្យដឹងថា ថ្នាក់ដឹកនាំក្លិបបានអស់ ទំនុកចិត្តលើលោក Frank De Boer តាំងពីពីរសប្ដាហ៍ មុនឈានដល់ការបណ្ដេញចេញនៅថ្ងៃចន្ទ ទី១១ កញ្ញាមកម្ល៉េះ។
អ្នកចាត់ការសញ្ជាតិហុល្លង់វ័យ៤៧ឆ្នាំបានជួបប្រជុំជាមួយនឹងម្ចាស់ក្លិប លោក Steve Parish និងនាយកក្លិបលោក Dougie Freedman កាលពីថ្ងៃចន្ទ ទី២៨ ខែសីហា ហើយថ្នាក់ដឹកនាំកំពូលខាងលើបានដើរចេញពីអង្គប្រជុំដោយ ក្តីអស់សង្ឃឹមថាអ្នកចាត់ការ Frank De Boer មិនអាចស្រោចស្រង់ក្លិបបានឡើយ។
ព័ត៌មាននេះចង់បញ្ចាក់ថា លោក Frank De Boer ត្រូវបានគេ រំពឹងថាត្រូវបណ្តេញ ចេញពីតំណែងមុនពេលក្រុម Crystal Palace ប្រកួតចាញ់ Burnley ដោយលទ្ធផល 1-0 ទៀត។
អតីតគ្រូបង្គោលក្រុមជម្រើសជាតិអង់គ្លេស Roy Hodgson ត្រូវបានគេជឿជាក់ថានឹងចូលជំនួសតំណែងរបស់លោក Frank De Boer ៕ ដេវីត
