រលកកម្តៅវាយប្រហារដល់កូរ៉េខាងត្បូង

កន្លងមករលកកម្តៅបានវាយប្រហារ ទៅលើ ប្រទេសជប៉ុននិងកូរ៉េខាងត្បូង បណ្តាលឲ្យមានអ្នកស្លាប់ ជិត១០០នាក់ និង រាប់ពាន់នាក់ត្រូវបញ្ជូនទៅសម្រាក ព្យាបាលនៅក្នុងមន្ទីរពេទ្យ ។

នៅប្រទេសកូរ៉េខាងត្បូង ការកើនឡើងកម្តៅខ្លាំងត្រូវបានគេរំពឹងថា នឹងកើត ឡើងពេញ១សប្តាហ៍ ដោយមានសីតុណ្ហ ភាព កើនឡើងពី៣៣ដល់ ៣៧អង្សាសេ នៅទូទាំងប្រទេស ។

នៅទីក្រុង សេអ៊ូលបានក្រោកពី ដំណេកក្នុង សីតុណ្ហ ភាព២៩,២អង្សាសេ ដែលជាកម្រិតមួយ ខ្ពស់បំផុតសម្រាប់រដ្ឋធានីរបស់ប្រទេសនេះ ចាប់តាំងពីឆ្នាំ ១៩០៧មក ។

រលកកម្តៅបានព្រមានអំពីផលប៉ះពាល់នៅតំបន់ជាច្រើននៃប្រទេស លើកលែង តែនៅផ្នែកខ្លះនៃកោះ Jeju ប៉ុណ្ណោះ ។

ចំណែកនៅក្នុងប្រទេសជប៉ុនវិញ រលក កម្ដៅនៅក្នុងប្រទេសនេះ បានផ្ដាច់យក អាយុជីវិតមនុស្សកើនដល់ ៧៧នាក់ហើយ ខណៈមនុស្សរាប់ពាន់នាក់កំពុងសម្រាក ព្យាបាលនៅក្នុងមន្ទីរពេទ្យ ដែលនេះជា គ្រោះមហន្តរាយដាច់ដោយឡែក ពីគ្រោះ ទឹកជំនន់កាលពីពេលថ្មីៗនេះ នៅបណ្តាខេត្តភាគខាងលិចនៃប្រទេសជប៉ុន ដែល បានសម្លាប់មនុស្សជាង ២០០នាក់។

នៅពេលនេះរលកកម្តៅបានវាយ ប្រហារដល់ទឹកដីកូរ៉េខាងជើង ហើយរដ្ឋាភិបាលបានអំពាវនាវដល់ពលរដ្ឋមានការ ប្រុងប្រយ័ត្នឲ្យបានខ្ពស់បំផុត។ យោងតាម សេចក្តីរាយការណ៍ របស់ ប្រព័ន្ធផ្សព្វផ្សាយ រដ្ឋ បានឲ្យដឹងថា រលកកម្តៅ ដែលកំពុងតែ រីកសាយ ភាយ នៅទូទាំងឧបទ្វីបកូរ៉េ គឺ កំពុងតែជំរុញប្រទេស កូរ៉េខាងជើង ឲ្យ ធ្វើការចាត់វិធានការ ចាំបាច់ជួយដល់ពល រដ្ឋ បញ្ចៀសរឿងអាក្រក់កើតឡើង តាម សារព័ត៌មាន Rodong Sinmun បានផ្សាយ ថា រដ្ឋាភិបាលនៃ ទីក្រុងព្យុងយ៉ាង នាពេល ថ្មីៗនេះ ទើបបានប្រកាសភាពអាសន្ន បន្ទាន់ មួយ ព្រោះតែអាកាសធាតុក្តៅខ្លាំងខុសធម្មតា ហើយរដ្ឋបានបញ្ជាប្រមូលផ្តុំ រាល់សមត្ថភាព ទាំងអស់ ដើម្បីទប់ស្កាត់ ការខូចខាតដំណាំ និងផលប៉ះពាល់ដ៏ គ្រោះថ្នាក់ផ្សេងៗទៀត បណ្ដាលមកពី គ្រោះរាំងស្ងួត។

រលកកម្តៅនឹងបង្កឲ្យមានគ្រោះរាំងស្ងួតកើតឡើងនៅក្នុងទឹកដីកូរ៉េខាងជើង ដែលជាគ្រោះធម្មជាតិតែងតែកើតឡើងនៅក្នុងប្រទេសនេះជាច្រើនឆ្នាំកន្លងមក។ គ្រោះ ធម្មជាតិ រាំងស្ងួតបានសម្លាប់ពលរដ្ឋកូរ៉េខាងជើងជាច្រើន និងធ្វើឲ្យពលរដ្ឋជាច្រើនខ្វះស្បៀងអាហារ ដោយមិនអាច ដាំដុះបាន៕ ម៉ែវ សាធី