សារព័ត៌មាន នគរវត្ត តែងតែនាំមុខគេជានិច្ច
រុស្ស៊ីនិងចិន កាន់តែជិតស្និទនឹងគ្នា ទាំងវិស័យយោធា ក៏ដូចជាវិស័យសេដ្ឋកិច្ច ដោយកន្លងមក ចិនបានបញ្ជូនយោធា និងសព្វាវុធជាច្រើន ទៅចូលរួមធ្វើសមយុទ្ធជាមួយរុស្ស៊ី ។ មិនតែប៉ុណ្ណោះ ចិនបានសម្រេចទិញអាវុធពីរុស្ស៊ីទៀតផង មិនខ្វល់ពីការដាក់ទណ្ឌកម្មរបស់អាមេរិក ។
នៅពេលនេះដែរ ចិននិងរុស្ស៊ីបានសម្រេចបង្កើនវិស័យពាណិជ្ជកម្មទ្វេភាគឺ កើនឡើងដល់ទៅ ២០០ពាន់លានដុល្លារជាចំនួនយ៉ាងច្រើន ។ កាលពីឆ្នាំ២០១៧តម្លៃពាណិជ្ជកម្មរវាងរុស្ស៊ីនិងចិន មានតែ ៨៧ពាន់លានដុល្លារប៉ុណ្ណោះ ហើយតួលេខនេះនឹងកើនឡើងដល់ទៅ១០០ពាន់លានដុល្លារនៅក្នុងឆ្នាំ២០១៨ ហើយនឹងបន្តកើនឡើងដល់២០០ពាន់លានដុល្លារនៅក្នុងឆ្នាំ២០២៤។
រុស្ស៊ីមានគម្រោងបង្កើនតម្លៃទីផ្សា ពាណិជ្ជកម្មជាមួយចិនឡើងដល់ ២០០ពាន់លានដុល្លារ ហើយបង្កើន ការវីនិយោគ របស់ចិនមកលើសេដ្ឋកិច្ចរុស្ស៊ី កើតឡើង ១៥ពាន់លានដុល្លារ»
នៅដើមខែកញ្ញាឆ្នាំ២០១៨ អ្នកនាំពាក្យវិមានប្រធានាធិបតីរុស្ស៊ី លោក Dmitry Peskov បានបញ្ជាក់ថា វិស័យពាណិជ្ជកម្ម រុស្ស៊ី -ចិន កំពុងតែ អភិវឌ្ឍន៍យ៉ាងឆាប់រហ័ស ហើយទីក្រុងប៉េកាំងកំពុងក្លាយទៅជា ដៃគូពាណិជ្ជកម្មសំខាន់បំផុតរបស់ទីក្រុងមូស្កូ ជំនួសតំបន់អឺរ៉ុប។
ព័ត៌មានខាងលើកើតឡើងក្រោយពេលសង្គ្រាមពាណិជ្ជកម្ម អាមេរិក ចិន កាន់តែតានតឹងខ្លាំងឡើង ក្រោយអាមេរិកសម្រេចតម្លើងពន្ធលើទំនិញ ចិនដល់ទៅ ២០០ពាន់លានដុល្លារ ។ ចំណែកចិនវិញក៏បានតបតដោយតម្លើងពន្ធលើអាមេរិក មានទឹកប្រាក់៦០ពាន់លានដុល្លារផងដែរ។
ទន្ទឹមនឹងនោះអាមេរិកក៏បានដាក់ទណ្ឌកម្ម ទៅលើ ក្រសួងការពារជាតិចិន ដោយសារតែទិញអាវុធពីរុស្ស៊ី។ នៅថ្ងៃទី២៦ខែកញ្ញាកន្លងមក ក្រសួងពណិជ្ជកម្មអាមេរិក បានសម្រេច ដាក់ក្រុមហ៊ុន រុស្ស៊ីចំនួន១២នៅក្នុងបញ្ជីខ្មៅនៃការដាក់ទណ្ឌកម្ម។
ក្រៅពីនេះ ចិន និងរុស្ស៊ី ក៏បានសម្រេច បន្តវិស័យពាណិជ្ជកម្ម ជាមួយប្រទេសជាច្រើន ជុំវិញពិភពលោក ក្នុងនោះ ទ្វីបអាហ្រិក មជ្ឈឹមបូព៌ា អាមេរិកឡាទីនជាដើម៕
