ជូនពរក្នុងឱកាសបុណ្យចូលឆ្នាំថ្មី ប្រពៃណីចិន-វៀតណាម ដល់អនុព័ទ្ធយោធាប្រទេសទាំងពីរ

ភ្នំពេញ: គណៈប្រតិភូអគ្គនាយកដ្ឋាន ភស្តុភារ-ហិរញ្ញវត្ថុ ក្រសួ ងការពារជាតិ ដឹកនាំដោយលោកនាយឧត្តមសេនីយ៍ ស៊ុំ សំ ណាង អគ្គនាយក និងសហការី អញ្ជើញជូនពរជ័យដល់អនុព័ ន្ធយោធា ចិន-វៀតណាម នៅស្ថានទូត និវេសនដ្ឋាន របស់អនុ ព័ន្ធយោធាប្រទេសទាំងពីរ ។

ការអញ្ជើញចុះសួរសុខទុក្ខ និងជូនពរជ័យសេរីមង្គលដល់អនុ ព័ន្ធយោធាប្រទេសទាំងពីរនេះ ប្រព្រឹត្តទៅកាលពីថ្ងៃ អង្គារ ៩ រោច ខែ បុស្ស ឆ្នាំច សំរឹទ្ធិស័ក ព.ស. ២៥៦២ ត្រូវថ្ងៃទី ២៩ ខែ កុម្ភៈ ឆ្នាំ ២០១៩។

លោកនាយឧត្តមសេនីយ៍ អគ្គនាយក អគ្គនាយដ្ឋាន ភស្តុ ភារ- ហិរញ្ញវត្ថុ ក្រសួងកាពារជាតិ ថ្លែងអំណរគុណចំពោះបក្ស រដ្ឋាភិបាល ប្រជាជនចិន-វៀតណាម ពិសេសកងទ័ពប្រទេសទាំងពីរ ជានិច្ចកាលតែងតែជួយឧបត្ថម្ភ មធ្យោបាយ សម្ភារសព្វបែបយ៉ាង ចំពោះកងយោធពលខេមរភូមិន្ទ (ខ.ភ.ម)។

ដូចជាជួយសាងសង់មន្ទីរពេទ្យ វិទ្យាស្ថានហ្វឹកហ្វឺន សាលាហ្វឹកហ្វឺនតាមយោធភូមិភាគ ខេត្តរាជធានី ទទួលកម្មសិក្សាការីទៅបណ្តុះបណ្តាល រយះពេលវែង-ខ្លី​ ឧបត្ថម្ភ ហេដ្ឋារចនា សម្ព័ ន្ធដទៃទៀតជាច្រើន ធ្វើឱយ(ខ.ភ.ម) កាន់តែមានឋាមពល សម្រេចភារកិច្ច ប្រសើរទ្វេឡើងថែមួយកម្រិតទៀត ក្នុងកិច្ចកាពារបូរណភាពទឹកដី ក៏ដូចជាពូនជ្រំចំណង សាមគ្គីភាព មិត្តភាព កិច្ចសហប្រតិបត្តិការ កាន់តែរឹងមាំយូរអង្វែង ។

លោកវរសេនីយ៍ឯក Nguyen thanh chanh ប្រធានអនុ ព័ន្ធយោធាវៀតណាម និងលោកលោកវរសេនីយ៍ឯក Li Ning ya ប្រធានអនុព័ន្ធយោធាចិនប្រចាំព្រះរាជាណាចក្រកម្ពុជាបានស្វាគមន៍ ចំពោះភាគីមិត្តកម្ពុជា ព្រមទាំងជូនពរដល់កងយោធ ពលខេមរភូមិន្ទកាន់តែរីកចម្រើនធំធាត់បន្តទៀត មានកម្លាំងខ្លាំងក្លារឹងមាំ រក្សាការពារបូរណភាពទឹកដីស្ថិតស្ថេរគង់វង្សជាយូរអង្វែងតរៀងទៅ ។

បន្ទាប់មកលោកនាយឧត្តមសេនីយ៍ ស៊ុំ សំណាង និងសហការីជូនកន្ទ្រកផ្កា និងវត្តុអនុស្សាវរីយដល់ភាគីមិត្តប្រកបដោយក្តីសោមនស្សរីករាយផងដែរ ៕ សុខដុម