សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រោះអគ្គិភ័យមួយបានកើតឡើងបង្កឲ្យឆាបឆេះ តូបក្នុងផ្សារតាសេកផ្អើលអស់ប្រជាពលរដ្ឋ និងសមត្ថកិច្ចហៅក្រុមរថយន្តពន្លត់អគ្គិភ័យទាំងយប់កាលពីវេលាម៉ោងរំលងអធ្រាត្រ ឈានថ្ងែទី៧ ខែមីនា ឆ្នាំ២០១៩ នៅក្នុងផ្សារលក់ដូតាសេករនៅចំណុចភូមិ តាសេក សង្កាត់កំបូល ខណ្ឌពោធិ៍សែនជយ័ ។
ប្រភពព័ត៌មានបានឲ្យដឹងថា ផ្សារខាងលើបិទចោលគ្មានអ្នកលក់ដូរនោះទេ ដោយមានតូបតូចៗជាច្រើន ខណៈមកដល់វេលាកើតហេតុ ស្រាប់តែមានឃើញមានអណ្តាតភ្លើងឆាបឆេះចេញពីខាងក្នុង ទើបរាយការណ៍ទៅសមត្ថកិច្ចហៅរថយន្តពន្លត់អគ្គិភ័យ មកអន្តរាគមន៍។
ភ្លាមនោះ គេបានឃើញរថយន្តពន្លត់អគ្គិភ័យរបស់៩១១ ឆត្រយោង និងរថយន្ត ពន្លត់អគ្គិភ័យ សាលាខណ្ឌកំពុងបាញ់ពន្លត់។
សម្ភារខូចខាត អស់តុបលក់ដូរចំនួន៦តុប ក្នុងមួយតុប មានទហំ២ម៉ែត្រគុណនឹង២ម៉ែត្រកន្លះ ។ ប្រើប្រាស់ឡានទឹក៤គ្រឿង។
ពាក់ព័ន្ធនឹងហេតុការណ៍នេះ សមត្ថកិច្ចមិនទាន់ពីមូលហេតុ នៅឡើយទេ ៕ សុខាសែនជ័យ
