សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នគរបាលឲ្យដឹងថា មានគ្រោះថ្នាក់ចរាចរណ៍ រថយន្តមួយគ្រឿង បុករះប៉ះតូបលក់គុយទាវរួចបន្តទៅបុកប៉ះម៉ូតូមួយគ្រឿងទៀតរួចជ្រុលទៅប៉ះមនុស្សម្នាក់កំពុងដេកអង្រឹងក្បែរនោះ មុននឹងបន្តទៅបុកប៉ះកន្ទុយរ៉ឺម៉កមួយទៀតដែលចតនៅក្បែរគ្នា កាលពីវេលាម៉ោងជិត៦ ព្រឹកព្រលឹមថ្ងៃទី២៤ ខែមីនា ឆ្នាំ២០១៩ នៅតាមបណ្ដោយផ្លូវគុជអាស៊ីស្ថិតក្នុងភូមិ១ សង្កាត់លេខ៣ ក្រុងខេត្តព្រះសីហនុ។
នគរបាលចរាចរណ៍ផ្លូវគោកបានឲ្យដឹងថា រថយន្តបង្កហេតុម៉ាក ford ranger ពណ៌ប្រផេះពាក់ស្លាកលេខភ្នំពេញ ២AH ០១៨៦ អ្នកបើកបរនៅងងុយដេក មួយភាំងទើបបានរេចង្កូតទៅបុករះតូបលក់គុយទាវនិងម៉ូតូរួមជាមួយកម្មករសំណង់នៅក្បែរនោះបណ្តាលឲ្យរងរបួសស្រាលនិងមធ្យមចំនួនពីរនាក់ក្នុងនោះជនរងគ្រោះ៖ ទី១/ មានឈ្មោះជួន ជឿន ភេទប្រុស អាយុ៥២ឆ្នាំ ដេកលើរុឺម៉កម៉ូតូ ២/ ឈ្មោះ ជីវ័ន្ត ភេទស្រី អាយុ ៤៧ឆ្នាំ ជាអ្នកលក់គុយទាវឯអ្នកបើកបររថយន្ត ឈ្មោះ ហេង ស្រ៊ុន ភេទប្រុស អាយុ ៣៨ឆ្នាំមុខរបរលក់ដូរ ។
បច្ចុប្បន្ន រថយន្តត្រូវបានសមត្ថកិច្ចយកមករក្សារទុកនៅការិយាល័យផ្លូវគោគរង់ចាំដោស្រាយនៅពេលក្រោយ ៕ ឆ្លាម សមុទ្រ
