សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានហេតុការណ៍ករណីគ្រោះថ្នាក់ចរាចរណ៍ គួរឲ្យរន្ធត់ បណ្ដាលឲ្យបុរសម្នាក់ស្លាប់ ភ្លាមៗនៅ នឹងកន្លែងកើតហេតុ ខណៈដែលកំពុងជិះម៉ូតូក្នុងល្បឿនលឿន ចៃដន្យអាក្រក់ ម៉ូតូបែកកង់មុខជ្រុលបុករបងផ្ទះគេ និងគល់ឫស្សី បាក់ធ្លុះឆ្អឹងកចេញមកក្រៅ កាលពីវេលាម៉ោង១០ និង៣៥នាទីព្រឹក ថ្ងៃទី៧ ខែមេសា ឆ្នាំ២០១៩ នៅលើផ្លូវក្រាលកៅស៊ូ ស្ថិតក្នុងភូមិកក់ ឃុំស្វាយរំពារ ស្រុកស្វាយទាប ខេត្តស្វាយរៀង ។
សមត្ថកិច្នគរបាល ស្រុកបានឲ្យដឹងថា បុរសដែលស្លាប់មានឈ្មោះ សោម មេត អាយុ២៥ ឆ្នាំ មុខរបរកម្មកររោងចក្រ រស់នៅភូមិ ត្រពាំងថ្កុវ ឃុំពងទឹក ស្រុករំដួល ខេត្តស្វាយរៀង ចំណែកម៉ូតូម៉ាក ស៊ុយសូគី ស្មាសវី ពណ៌ខ្មៅ គ្មានស្លាកលេខ ខូចខាតយ៉ាងដំណំ ។
តាមសាក្សីបានឲ្យដឹងថា មុនកើតហេតុមានបុរសម្នាក់បានជិះម៉ូតូមួយគ្រឿងម៉ាកស៊ុយសូគីស្មាសវី នៅលើផ្លូវក្រាលកៅស៊ូពីលិចមកើតក្នុងល្បឿនលឿន ស្រាប់តែម៉ូតូបែកកង់បណ្ដាលរេចង្កូតជ្រុលបុករបងផ្ទះគេ នឹងគល់ឫស្សីធ្លុះឆ្អឹងកចេញមកក្រៅ ពេញទំហឹងលាន់ដូចរន្ទះបាញ់ បង្កការភ្ញាក់ផ្អើលដល់អ្នកភូមិ និងអ្នកធ្វើដំណើរចោមរោមមើល និងរាយការណ៍ មកសមត្ថកិច្ចមូលដ្ឋានភ្លាមៗ ដើម្បីជួយសង្គ្រោះអកុសលហួសពេលទៅហើយ ដោយជនរងគ្រោះមានសភាពធ្ងន់ ក៏បានដាច់ខ្យល់ស្លាប់គួរឲ្យសង្វេគបំផុត ។
សពត្រូវបានសមត្ថកិច្ចមូលដ្ឋានធ្វើកំណត់ហេតុ និងប្រគល់ទៅក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួលបំផុត ៕ យឹម សុថាន
