សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តហ៊ីយ៉ាន់ដាយមួយគ្រឿង បើកគេចពីម៉ូតូដែលធ្វើដំណើរស្របគ្នា ក៏ទាញចង្កូតមកខាងឆ្វេងជ្រុលកៀរ រថយន្តកុងតឺន័រដែលធ្វើដំណើរស្របគ្នាដែរ បណ្តាលឲ្យរថយន្តកុងតឺន័របន្តទៅបុកក្បាលនាគ ពុះចែកទ្រូងផ្លូវរងការខូចខាតអស់មួយកង់ ។
ហេតុការណ៍នេះ បានកើតឡើងកាលពីវេលាម៉ោង១០និង១០នាទីយប់ ថ្ងៃទី៨ ខែមេសា ឆ្នាំ២០១៩ នៅចំណុចស្តុបចូលទៅរង្វង់មូលផ្សារដើមថ្កូវ នៅតាមបណ្តោយផ្លូវលេខ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញហ៊ីយ៉ាន់ដាយ ពណ៌ស ពាក់ស្លាកលេខ ចង្កូតស្តាំ 0303 ធ្វើដំណើរស្របជាមួយរថយន្តកុងតឺន័រ ពណ៌ខៀវ ពាក់ស្លាកលេខ ភ្នំពេញ 3C 0795 រួមទាំងមួយគ្រឿងទៀតធ្វើដំណើរតាមបណ្តោយផ្លូវលេខ២៧១ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ក៏ឈប់ចាំភ្លើងស្តុបក្រហម លុះពេលលោតភ្លើងខៀងវិញ ក៏ធ្វើដំណើរទៅមុខទាំងបីគ្រឿងតែម្តងភ្លាមនោះ រថយន្តហ៊ីយ៉ានដាយ ក៏គេចពីម៉ូតូដែលនាំខាងស្តាំដៃទាញចង្កូតទៅខាងឆ្វេងវិញ ទើបជ្រុលទៅកៀររថយន្តកុងតឺន័រ បន្តទៅបុកក្បាលនាគរងការខូចខាតចំណែកម៉ូតូគេចខ្លួនបាត់ ដោយឡែករថយន្តហ៊ីយ៉ាន់ដាយបើកបានប្រហែល៣០០ម៉ែត្រ ទើបតៃកុងរថយន្តកុងតឺន័ដេញឃាត់បានតែម្តង ។
ក្រោយកើតហេតុសមត្ថកិច្ចបានចុះមកដល់ចំណុចកើតហេតុនិងវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយតាមច្បាប់ ៕ សុខាសែនជ័យ
