សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសម្នាក់ដេកស្លាប់ដោយគាំងបេះដូងកាលពីវេលាម៉ោង២ និង៣០នាទីយប់ នៅថ្ងៃទី២៧ ខែមេសា ឆ្នាំ២០១៩ នៅភូមិសូភីឃុំព្រះដំរី ស្រុកស្ទោង ខេត្តកំពង់ធំ ។
សមត្ថកិច្ចបានឲ្យដឹងថា សពឈ្មោះ យន ឃាង ភេទប្រុស អាយុ ៤១ឆ្នាំនៅភូមិ កើតហេតុខាងលើ ។
ក្រោយទទួលព័ត៌មានកម្លាំងជំនាញសហការជាមួយអាជ្ញាធរមូលដ្ឋានភូមិ ឃុំ ចុះដល់កន្លែងកើតហេតុដើម្បីពិនិត្យសព ។
តាមការបំភ្លឺពីឈ្មោះ ង៉ោ យ៉វ អាយុ ៥៤ឆ្នាំត្រូជាប្រពន្ធសពបានបញ្ជាក់ថា៖ កន្លងមកប្តីរបស់គាត់ ពុំដែលមាន ជម្ងឺឈឺធ្ងន់ធ្ងរទេលុះដល់ថ្ងៃទី២៦ ខែ មេសា ឆ្នាំ២០១៩ ពេលល្ងាចបន្ទាប់ពីហូប បាយរួចប្តីគាត់ ក៏អង្គុយនិយាយលេងជាមួយកូនៗនៅក្រោមផ្ទះបន្ទាប់មកគាត់ និងកូន បានឡើងមកមើលទូរទស្សន៍លើផ្ទះ លុះដល់ម៉ោងប្រហែល២២យប់ គាត់ចុះមកដេកក្រោមផ្ទះជាមួយប្តី រហូតដល់ម៉ោងប្រហែល ០២នាទីរលងអាធ្រាត គាត់បានដាស់ប្តីឲ្យដេញគោដែលចូលទៅផឹកទឹកពាង រួចហើយ ក៏មកប្រាសខ្លួនដេកវិញ ស្រាប់តែលឺសំឡេងខក់ៗ គាត់បានលើកត្រកង តែ ក និងពោះប្តីគាត់ឡើងស្រាប់តែខ្លួនឡើងរឹង គាត់បានហៅកូនៗ និងសាច់ញាតិជិតខាងជួយឱយធ្វើចលនា តែប្តីគាត់បានស្លាប់បាត់ទៅហើយ ។ ក្រោយមកបាន រាយការណ៍ជូនសមត្ថកិច្ចតែម្តង ។
ក្រោយពិនិត្យសាកសពគឺសមត្ថកិច្ច ពុំឃើញមានស្លាកស្នាមអ្វីឡើយ ទើបសន្និដ្ឋាន ពិតជាស្លាប់បណ្តាលមកពីគាំងបេះដូង រួចបានប្រគល់សបជូនក្រុមគ្រួសារ ប្រពន្ធ កូនចាត់ចែងធ្វើបុណ្យតាមប្រពៃណី ៕ ប៊ុនរិទ្ធី
