សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រចំនួន២គ្រឿង បានបើកប្រដេញគ្នាលឿន ជ្រុលទៅគៀរថយន្ត ម៉ាកscion បណ្តាលឲ្យក្រឡាប់ផ្ងារជើង ត្រូវប្រជាពលរដ្ឋជួយអន្តរាគមន៍ ។
ហេតុការណ៍នេះបានកើតឡើងកាលពីវេលាម៉ោង រំលងអធ្រាត្រ ឈានចូល ថ្ងៃទី៣០ ខែមេសា ឆ្នាំ២០១៩ នៅចំណុចជិតខាងកើតស្តុបផ្សារច្បារអំពៅ ផ្លូវជាតិលេខ១ សង្កាត់ច្បារអំពៅ ២ ខណ្ឌច្បារអំពៅ ។
តាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញរថយន្តខាងលើម៉ាក scion ពណ៌សពាក់ស្លាកលេខ ភ្នំពេញ 2AL 2428 ធ្វើដំណើរតាមបណ្តោយផ្លូវជាតិលេខ១ ក្នុងទិសដៅពីកើតទៅលិច ខណៈមកដល់ចំណុចកើតហេតុ ក៏មានរថយន្តកុងតឺន័រពីរគ្រឿង ប្រដេញគ្នាមកពីក្រោយហើយកៀររថយន្តscion បណ្តាលឲ្យក្រឡាប់ផ្ងារជើង តែមិនមានអ្នករងរបួសនោះទេ ។
ក្រោយកើតហេតុ រថយន្តកុងតឺន័រទាំង២គ្រឿង បើកទៅបាត់បន្សល់រថយន្តរងគ្រោះក្រឡាប់ផ្ងារជើង ត្រូវបានប្រជាពលរដ្ឋលើក និងហៅរថយន្តស្ទូចមកស្ទូចយកទៅផ្ទះវិញ ៕ សុខាសែនជ័យ
