សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តស៊េរីទំនើបមួយគ្រឿង ត្រូវបានគេប្រទះឃើញចតចោល៦ទៅ៧ថ្ងៃមកហើយ មិនឃើញម្ចាស់មកយក ទើបសន្តិសុខប្តឹងអាវុធហត្ថ មកចុះត្រួតពិនិត្យកាលពីវេលាម៉ោង១០និង៣០នាទីព្រឹក ថ្ងៃទី៧ ខែឧសភា ឆ្នាំ២០១៩ ស្ថិតនៅ ក្នុងភោជនីយដ្ឋាន ចាស្មីន ភូមិប៉ប្រកខាងជើង សង្កាត់កាកាប១ ខណ្ឌពោធិ៍សែនជ័យ ។
តាមសន្តិសុខដែលយាមទីនោះបានឲ្យដឹងថា រថយន្តស៊េរីទំនើប ម៉ាក MAZDA ពណ៌ខ្មៅ ពាក់ស្លាកលេខ ចង្កូតស្តាំ PP 0726 ដែលឃើញចតចោល៦ទៅ៧ថ្ងៃមកហើយ មិនឃើញមានម្ចាស់មកយក ទើបរាយការណ៍ទៅកម្លាំងអាវុធហត្ថចុះពិនិត្យ ហើយយកទៅរក្សាទុកនៅបញ្ជាការដ្ឋានខណ្ឌពោធិ៍សែនជ័យ រង់ចាំម្ចាស់មកយកវិញចៀសវាងពាក់ព័ន្ធករណីផ្សេង ៕ សុខាសែនជ័យ
