សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ប្តីប្រពន្ធឈ្លោះគ្នាកើតជាអំពើហិង្សាយកកាំបិតបុ័ងតោ កាប់ទៅលើអ្នករត់ម៉ូតូកង់បីពេលដែលជនរងគ្រោះ ឃើញសកម្មភាពហិង្សាចូលទៅឃាត់ ក៏ត្រូវជនដៃដល់កាប់រងរបួសត្រូវកំភួនដៃខាងឆ្វេងធ្ងន់ ហើយត្រូវសមត្ថកិច្ចជួយអន្តរាគមន៍ឃាត់ខ្លួនបានភ្លាមៗផងដែរ ។ ហេតុការណ៍នេះបានកើត ម៉ោង៤និង៣០នាទីថៃ្ងទី២ ខែមិថុនា ឆ្នាំ២០១៩ ចំណុចផ្ទះជួលបន្ទប់៥ផ្លូវលំ ក្រុមទី៨ ភូមិទួលសងែ្ក សង្កាត់ទួលសងែ្ក១ ។
ជនសង្ស័យឈ្មោះ វ៉ឹក សុខា ភេទប្រុស អាយុ៣៣ឆ្នាំ ជនជាតិខែ្មរ សា្នក់នៅបន្ទប់ជួលក្រុម៨ ភូមិបាក់ទូក សងា្កត់ទួលសងែ្ក១ មុខរបរ កម្មករសំណង់ ។
ជនរងគ្រោះឈ្មោះ ព្រុំ រតនា ភេទប្រុស អាយុ៣៧ឆ្នាំ ជនជាតិខែ្មរ មានទីលំនៅផ្ទះជួលកើតហេតុខាងលើ មុខរបររត់ម៉ូតូកង់បី (រងរបួសត្រូវកំភួនដៃខាងឆ្វេងធ្ងន់) ។
សម្ភារដកហូតរួមមាន ៖ កាំបិតបុ័ងតោ ០១ របស់ជនសង្ស័យ ។
តាមដំណើររឿងហេតុ ៖ នៅថៃ្ងទី០២ ខែមិថុនា ឆ្នាំ២០១៩ វេលាម៉ោង១២និង០០នាទី ជនសង្ស័យបានមកហូបបាយជាមួយជនរងគ្រោះនិងផឹកស្រាបៀរជាមួយគា្នរួមទាំងអ្នកជិតខាង លុះនៅម៉ោងប្រហែល១៥និង៣០នាទីជនសង្ស័យក៏ចេញពីផ្ទះជនរងគ្រោះបាត់ទៅ ។
នៅម៉ោង៤រសៀលជនសង្ស័យត្រឡប់មកវិញទំនាស់ពាក្យសំដីជាមួយប្រពន្ធរបស់ខ្លួន ក៏ស្ទុះវាយប្រពន្ធមួយដៃត្រូវចំភែ្នកខាងស្តាំភា្លមនោះជនរងគ្រោះក៏ចូលទៅឃាត់ជនសង្ស័យកុំអោយវាយប្រពន្ធតែត្រូវជនសង្ស័យដកកាំបិតបុ័ងតោពីចង្កេះខាងក្រោយកាប់ទៅលើជនរងគ្រោះបណា្តលអោយរងរបួសដៃខាងឆ្វេងជាទំងន់ ក៏ជួបនិងកម្លាំងល្បាតខណ្ឌប៉ុស្តិ៍អន្តរាគមន៍ឈានទៅឃាត់ជនសង្ស័យរួមទាំងវត្ថុតាង ៕ ជ្រោយពេជ្រ
