សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ នៅវេលាម៉ោង១១និង២០នាទី ថ្ងៃទី៧ ខែមិថុនា ឆ្នាំ២០១៩ កម្លាំងមូលដ្ឋានកងរាជអាវុធហត្ថ ស្រុកអន្លង់វែង ដឹកនាំដោយលោកវរសេនីយ៍ទោ ងួន ទ្ធីរិទ្ធ មេបញ្ជាការកងរាជអាវុធហត្ថស្រុក ចុះបង្រ្កាបករណីប្រើប្រាស់ និងចែកចាយសារធាតុញៀន នៅចំណុច ភូមិ ស្លែងពណ៌ ឃុំត្រពាំងតាវ ស្រុកអន្លង់វែង ខេត្តឧត្តរមានជយ័ លទ្ធផលឃាត់ខ្លួនជនសង្ស័យចំនួន០១នាក់ ឈ្មោះ សុខ ប៉ាវ ភេទ ប្រុស អាយុ ២៥ឆ្នាំ មុខរបរធ្វើស្រែ បច្ចុប្បន្ន រស់នៅ ភូមិថ្នល់កែង ឃុំស្រុកអន្លង់វែង ខេត្តឧត្តមានជយ័ ។
កម្លាំងកងរាជអាវុធហត្ថបាន ដកហូតវត្ថុតាង ម្ស៉ៅក្រាម ពណ៌ស (ម៉ាទឹកក) ចំនួន០៦ថង់តូច ស្មើ ១០,៣៣ ក្រាម, ម៉ូតូសេ ១២៥ ពណ៌ខ្មៅ ស៊េរី ២០១៨ លេខម៉ាសីុន ND ១២៥ ME ៥៣៣០៧៩៥០ គ្មានស្លាកលេខមួយគ្រឿង ។
បច្ចុប្បន្ន សមត្ថកិច្ច (អហ) ស្រុកកំពុងកសាងសំណុំរឿងចាត់ការតាមផ្លូវច្បាប់ ៕ សសម
