សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តស៊េរីទំនេីបមួយគ្រឿងម៉ាកហ៊ីយ៉ាន់ដាយបេីកបំណងអែបខាងស្តាំ ស្រាប់តែរថយន្តម៉ាក PATROL បេីកមកពីក្រោយចាប់ហ្វ្រាំងមិនទាន់ជ្រុលបុកពេញទំហឹងរុញទៅបុករ៉ឺម៉កឥណ្ឌា ដែលចតលេីចិញ្ចេីមផ្លូវបណ្តាលឲ្យបុរសជាសន្តិសុខរបួសម្នាក់ ។
ហេតុការណ៍នេះ បានកេីតឡេីងកាលពីវេលាម៉ោង១និង៥០នាទី រំលងអធ្រាត្រ ឈានចូលថ្ងៃទី១១ ខែកញ្ញា ឆ្នាំ២០១៩ នៅចំណុចមុខខារ៉ាអូខេJ តាមបណ្តោយផ្លូវលេខ៤៨៨ ស្ថិតក្នុងសង្កាត់ផ្សារដេីមថ្កូវខណ្ឌចំការមន។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេ បានឃេីញរថយន្តស៊េរីទំនេីបម៉ាកហ៊ីយ៉ាន់ដាយ ពណ៌ខ្មៅពាក់ស្លាកលេខ ភ្នំពេញ 2AH 2118 ធ្វេីដំណេីរតាមបណ្តោយផ្លូវលេខ៤៨៨ ក្នុងទិសដៅពីលិចទៅកេីត ខណៈមកដល់ចំណុចកេីតហេតុ ស្រាប់តែអែបខាងស្តាំងដៃ ភ្លាមនោះស្រាប់តែមានរថយន្តម៉ាក PATROL. ពណ៌ស ពាក់ស្លាកលេខ រដ្ឋ ១៧-2-0426 ធ្វេីដំណេីរមកពីក្រោយក្នុងល្បឿនលឿនក៏ជ្រុលបុកពីចំហៀងពេញទំហឹងរុញទៅបុករ៉ឺម៉កឥណ្ឌាដែលចតលេីចិញ្ចេីមផ្លូវបណ្តាលអោយរងការខូចខាតទាំងបីគ្រឿងនិងធ្វេីអោយសន្តិសុខដែលយាមខារ៉ាអូខេJ របួសម្នាក់។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ចំណែករថយន្ត និងរ៉ឺម៉កឥណ្ឌាត្រូវបានសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ជេីងគោកនៃស្នងការរាជធានីភ្នំពេញរង់ចាំដោះស្រាយតាមច្បាប់ ៕ សុខាសែនជ័យ
