សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ សមត្ថកិច្ចនគរបាលបានឃាត់ខ្លួនជនសង្ស័យម្នាក់ បន្ទាប់ពីចូលលួចទូរសព្ទ័របស់អ្នកស្រុកទាំងយប់ តែមិនបានសម្រេច បង្កការភ្ញាក់ផ្អើលតែម្ដង ។
ហេតុការណ៍នេះ បានកើតឡើងកាលពីវេលាម៉ោង១១យប់ ថ្ងៃទី៥ ខែវិច្ឆិកា ឆ្នំា២០១៩ ស្ថិតក្នុងភូមិក្រោលគោ ឃុំក្រោលគោ ស្រុកស្វាយជ្រំ ខេត្តស្វាយរៀង ។
យោងតាមសមត្ថកិច្ចនគរបាលស្រុកបានឲ្យដឹងថា ជនសង្ស័យដែលឃាត់ខ្លូនមកសាកសួរមានឈ្មោះ បា្រក់ កូឡា អាយុ២៦ឆ្នំា មុខរបរមិនពិតប្រាកដ រស់នៅភូមិអង្កាញ់ ឃុំប្រធាតុ ស្រុកកំពង់ត្របែក ខេត្តព្រៃវែង ។
ចំណែកម្ចាស់ទូរសព្ទ័មានឈ្មោះ អៀង ចំណាន ភេទប្រុស អាយុ៣១ឆ្នំា មុខរបរកសិកររស់នៅភូមិក្រោលគោ ឃំុក្រោលគោ ស្រុកស្វាយជ្រំ ។
បើតាមម្ចាស់ផ្ទះបានប្រាប់សមត្ថកិច្ចថាមុនកើតហេតុបន្ទាប់ពីហូបបាយជុំគ្នារួច ក៏បានអង្គុយលេងមុខផ្ទះប្រមាណជាមួយម៉ោង ក៏បាននាំគ្នាចូលដេកដូចសព្វដង ខណៈនៅម៉ោងកើតហេតុស្រាប់តែលឹសូរសំឡេងខុសប្លែកពីធម្មតា ទើបភ្ញាក់ឡើង ឃើញជនសង្ស័យលួចយកទូរសព្ទ័ ទើបបង្កការភ្ញាក់ផ្អើលស្រែកចោរៗ ផ្អើលទាំងយប់ដល់អ្នកភូមិនិងឃាត់ខ្លួនឲ្យសមត្ថកិច្ចមូលដ្ឋានតែម្ដង ។
ក្រោយពីសាកសួររួចជនសង្ស័យត្រូវបានសមត្ថកិច្ចនគរបាលបញ្ជូនមកអធិការដ្ឋាននគរបាលស្រុកស្វាយជ្រំចាត់ការបន្តតាមច្បាប់ ៕ យឹម សុថាន
