សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបែកក្បាលខ្ទេចដាច់ដៃមួយកំណាត់ស្លាប់គួរឲ្យអាណោចអាធ័ម បន្ទាប់ពីដើរឆ្លងផ្លូវត្រូវរថយន្តមិនស្គាល់ម៉ាកបុករួចហើយបើកគេចបាត់ស្រមោល ។
ហេតុការណ៍នេះកើតឡើងនៅវេលាម៉ោង១ និង១៥នាទី រំលងអធ្រាត្រ ឈានចូលថ្ងៃទី១១ ខែកុម្ភៈ ឆ្នាំ២០២០ ស្ថិតតាមបណ្ដោយផ្លូវជាតិលេខ៤ ចំណុចជិតវត្តកំបូល ក្នុង សង្កាត់កំបូល ខណ្ឌកំបូល ។ សពជនរងគ្រោះមិនត្រូវស្គាល់អត្តសញ្ញាណនោះឡើយ ។
យោងតាមប្រភពពីកន្លែងកើតហេតុបានឲ្យដឹងថា ដំបូងគេឃើញរថយន្តមួយគ្រឿងមិនចាំម៉ាកធ្វើដំណើរពីលិចទៅកើតក្នុងល្បឿនលឿន ខណៈមកដល់ចំណុចកើតហេតុខាងលើ បានជ្រុលទៅបុកបុរសម្នាក់កំពុងដើរឆ្លងផ្លូវពេញទំហឹង ហើយចំក្បាលបែកខ្ទេច និងដាច់ដៃមួយកំណាត់រួចរថយន្តបង្ករបើកគេចបាត់ស្រមោល ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ចំណុចកើតហេតុបានទាក់ទងរថយន្តសាម៉ុយដឹកយកទៅតំលក់ទុកវត្តទឹកថ្លារង់ចាំស្រាយជ្រាវរកសាច់ញ្ញាតិមកទទួលសពយកទៅធ្វើបុណ្យតាមប្រពៃណី ៕ សុខាសែនជ័យ
