ខឹងម្ដាយចុងមិនអោយខ្ចីធុងបាស់ ទាញព្រនង់វាយបែកក្បាលឪពុកចូលឃាត់វាយបែកភ្នែកទៀត

ខេត្តស្វាយរៀងៈ បុរសសង្ស័យម្នាក់ត្រូវបានសមត្ថកិច្ចនគរបាលឃាត់ខ្លួនបន្ទាប់ពីប្រើហិង្សាយកព្រនង់វាយម្ដាយចុង និងឪពុកបង្កើតបណ្ដាលអោយរងរបួសបែកក្បាល និងហើមភ្នែកគ្រាន់តែរឿងខ្ចីក្បាលធុង MP3 យកមកច្រៀងមិនបាន ។

ហេតុការណ៍នេះបានកើតឡើងកាលពីវេលាម៉ោង៧និង៣០នាទីយប់ថ្ងៃទី១៨ ខែកុម្ភៈ ឆ្នាំ២០២០ននៅចំណុចភូមិឈើទាល ឃុំដូង ស្រុករមាសហែក ខេត្តស្វាយរៀង ។

បើតាមសមត្ថកិច្ចនគរបាលស្រុកបានអោយដឹងថាជនសង្ស័យមានឈ្មោះ
ម៉ីរិន ហៅ បារាំង អាយុ៣៣ឆ្នាំ មុខរបរកសិកររស់ក្នុងភូមិឃុំកើតហេតុខាងលើ ។

ចំណែកឪពុករងគ្រោះមានឈ្មោះ ម៉ី យ៉ែម អាយុ៥៧ឆ្នាំ មុខរបរកសិករ និងម្ដាយចុងមាន ឈ្មោះ ពុត អូន អាយុ៣៧ឆ្នាំ មុខរបរកសិករស់នៅភូមិឈើទាល ឃុំដូង ស្រុករមាសហែកខេត្តស្វាយរៀង ។

តាមឪពុកជនរងគ្រោះបានប្រាប់សមត្ថកិច្ចថា មុនកើតហេតុជនសង្ស័យជាកូនបានផឹកស៊ីរហូតដល់ស្រវឹងហើយក៏បានខ្ចីធុង MP3 ម្តាយចុងចាក់រាំលេងកម្សាន្ត ប៉ុន្តែម្តាយបដិសេធមិនព្រមអោយធ្វើអោយជនសង្ស័យខឹងទាញបានព្រនង់វាយម្ដាយបណ្ដាលអោយបែកក្បាលហូរឈាមក្រោយឃើញសភាពការណ៏បែបនេះគាត់ជាឪពុក ក៏រត់មកឃាត់ប៉ុន្តែស្រាប់តែកូនប្រុសអប្រិយ៍ស្ទុះមកវាយគាត់ចំភ្នែកបង្កការភ្ញាក់ផ្អើលតែម្ដង ។

បច្ចុប្បន្ន ជនរងគ្រោះទាំងពីនាក់ត្រូវបានដឹកមកសំរាកព្យាបាលនៅមណ្ឌលសុខភាពដូង និងជនសង្ស័យត្រូវបានឃាត់ខ្លួនមកសាកសួរនៅប៉ុស្តិ៍រដ្ឋបាលដូងផងដែរ ៕ យឹមសុថាន