សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ មន្រ្ដីជំនាញផ្នែករដ្ឋបាលជលផលក្រគរ យោធាតំបន់ប្រតិបត្តិការសឹករងខេត្ត សហការបង្រ្កាបបទល្មើសនេសាទខុសច្បាប់ស្ដីពីជលផល រិបអូសវត្ថុតាងបន្តនីតិវិធីឯជនប្រព្រឹត្តរត់គេចបាត់ស្រមោល ។
ប្រតិបត្តិការខាងលើធ្វើឡើងនារសៀលថ្ងៃអង្គារ ៣កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៥ ខែកុម្ភៈ ឆ្នាំ២០២០ នៅលើផ្ទៃទឹកបឹងទន្លេសាប ត្រង់ចំណុចអតីតឡូត៍នេសាទលេខ៧ ស្ថិតក្នុងភូមិកោះក្អែក ឃុំរាំងទិល ស្រុកកណ្ដៀង ខេត្តពោធិ៍សាត់ ។
ប្រភពព័ត៌មានពីមន្រ្ដីនៃមន្ទីរកសិកម្ម រក្ខាប្រមាញ់ និងនេសាទខេត្តពោធិ៍សាត់ប្រាប់ថា លទ្ធផល៖ អ៊ួនអូសទឹកសាបប្រភេទកៃច្នៃចំនួន ២វង់ ខ្សែនីឡុងសម្លាប់អូសប្រវែង ២០០ម៉ែត្រ ខ្សែភ្លើងប្រវែង ៣២ម៉ែត្រ អាំងទ័រ ១គ្រឿង កាណូតបាឡាស្មាច់ចំនួន ២គ្រឿងផងដែរ ត្រីចម្រុះចំនួន ៤០គីឡូក្រាម ។
ប្រភពដដែលបន្តទៀតថា វត្ថុតាង និងសម្ភារទាំងអស់មន្រ្តីជំនាញយកទៅរក្សាទុកដើម្បីបន្តនីតិវិធី ចំណែកជនប្រព្រឹត្តរត់គេចខ្លួន មន្រ្ដីជំនាញបន្តស្រាវជ្រាវ ៕ បុឹម ពិន
