សារព័ត៌មាន នគរវត្ត តែងតែនាំមុខគេជានិច្ច
ប្រទេសតំបន់អាស៊ាន គឺម៉ាឡេស៊ី មានករណីឆ្លងច្រើនជាង គេបំផុត ដោយមានអ្នកឆ្លងឡើងដល់ជាង១៣០០នាក់ ស្លាប់១០នាក់ និង ព្យាបាលជាសះស្បើយ១៣០នាក់។ ឈរលំដាប់ទីពីរ គឺថៃ និងទីបី គឺឥណ្ឌូនេស៊ី ។
សារព័ត៌មាន The nation របស់ថៃ នៅថ្ងៃទី២៣ ខែមីនា បានផ្សាយថា ចំនួនអ្នកឆ្លងកូវីដ-១៩នៅក្នុងប្រទេសនេះ កើនឡើង១២២នាក់បន្ថែមទៀតធ្វើឲ្យចំនួន ធ្វើឲ្យចំនួនអ្នកឆ្លងសរុបកើនឡើងជាង៧០០នាក់ហើយ។ តាមសារព័ត៌មាន ថៃ ក្នុងចំណោមអ្នកឆ្លងថ្មី ជាង១២០នាក់ មានម្នាក់ទើបតែធ្វើដំណើរចេញពីទីក្រុងប៉ោយប៉ែតប្រទេសកម្ពុជា។
អ្នកនាំពាក្យក្រសួងសុខាភិបាលសាធារណៈថៃ លោក TaweesinVisanuyothin បានបញ្ជាក់នៅថ្ងៃទី ២៣ខែមីនា ថាករណីឆ្លងថ្មីទាំង ១២២នេះត្រូវបានបែងចែកជា ៣ ក្រុម។
ក្រុមទី ១ មានចំនួន ២០ នាក់ដែលជាអ្នកជាប់ទាក់ទងនឹងករណីមុនៗ ដោយក្នុងនោះមានអ្នកជំងឺថ្មី ៤ នាក់បានចូលរួមព្រឹត្តិការណ៍ប្រដាល់ និង ១៦នាក់ទៀតជាអ្នកមានទំនាក់ទំនងពាក់ព័ន្ធអ្នកជំងឺមុនៗ។
ក្រុមទី ២ មានចំនួន ១០ នាក់ដែលក្នុងនោះមាន ៤ នាក់ទើបតែធ្វើដំណើរត្រឡប់មកពីបរទេស (មានជនជាតិថៃ ២ នាក់ត្រឡប់មកពីស្រុកប៉ោយប៉ែតនៅកម្ពុជា និងអាឡឺម៉ង់ និងជនបរទេស ២ នាក់ជាជនជាតិស្វ៊ីសនិងបារាំង) និង ៦ នាក់ទៀតជាអ្នកកំពុងធ្វើការនៅតំបន់ដែលមានមនុស្សច្រើន (បុគ្គលិកនៅក្នុងហាងស្រា) និងនៅជិតដិតជនបរទេស (អ្នកបើកបរ) ។
ដោយឡែកប្រភពឆ្លងនៃករណីថ្មីចំនួន ៩២ នាក់ទៀតដែលជាក្រុមទី៣កំពុងត្រូវបានស៊ើបអង្កេតនៅឡើយ។ ទន្ទឹមនឹងនេះដែរមានអ្នកជំងឺ ៧ នាក់បានជាសះស្បើយ និងបានវិលត្រឡប់ទៅផ្ទះវិញក្នុងរយៈពេលមួយថ្ងៃកន្លងទៅ។
