សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ សមត្ថកិច្ចឃាត់ខ្លួនជនសង្ស័យម្នាក់ បន្ទាប់ពីបានយកដុំថ្មនិងដងអំបោសឬស្សីវាយទៅលើជនរងគ្រោះចំក្បាលនិងចំថ្ពាល់លើផ្ទៃមុខបណ្តាលអោយរបួសជាទម្ងន់ ហេតុការណ៍នេះបានកើតឡើងកាលពីវេលាម៉ោង១៩និង៥១នាទី ថ្ងៃទី២៤ ខែមីនា ឆ្នាំ២០២០ នៅចំណុចភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ។
សមត្ថកិច្ចបានអោយដឹងថា ជនសង្ស័យឈ្មោះ កា ច្រឹក ភេទប្រុស អាយុ៥១ឆ្នាំ នៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ដែលមានមុខជារបរកម្មករ ( ឃាត់ខ្លួននៅអធិការដ្ឋាននគរបាលក្រុងស្ទឹងសែន)បានវាយទៅលើជនរងគ្រោះម្នាក់ឈ្មោះ នួន ណាន ភេទប្រុស អាយុ៣៩ឆ្នាំ នៅភូមិសង្កាត់ជាមួយគ្នា មុខរបរមិនពិតប្រាកដ។
ក្រោយពីជនសង្ស័យបានយកដុំថ្មនិងដងអំបោសឬស្សីវាយទៅលើជនរងគ្រោះចំក្បាល និងចំថ្ពាល់លើផ្ទៃមុខបណ្តាលអោយរបួសជាទម្ងន់ ( ត្រូវបានរថយន្តពេទ្យដឹកទៅព្យាបាលនៅមន្ទីរពេទ្យខេត្ត)។
មូលហេតុៈខឹងនិងជនរងគ្រោះលួចទូរស័ព្ទខ្លួន។ ករណីនេះសមត្ថកិច្ចជំនាញយើងកំពង់ចង់ក្រងសំណុំរឿងតាមនីតិវិធី៕ ប៊ុនរិទ្ធី
