សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង ១០និង៥០នាទីព្រឹក ថ្ងៃទី ៣១ខែមីនា ឆ្នាំ២០២០ មានករណីគ្រោះថ្នាក់ចរាចរណ៍បានកើតឡើងក្នុងទិសដៅបើកបរបញ្រ្ចាសគ្នា រវាងរថយន្តដឹកប្រេងក្រុមហ៊ុនPTT ម៉ាកហុីយ៉ាន់ដាយ ស្លាកលេខ ក.0363.ភព3 នឹងរថយន្តឡិចស៊ីស400h ពណ៌ស ស្លាកលេខ.នគរបាល2.0513 នៅតាមបណ្តោយផ្លូវទៅកែវផុស ភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។
មន្រ្តីសមត្ថកិច្ចបានប្រាប់ថាអ្នកបើករថយន្តដឹកប្រេង ឈ្មោះខាន់ប៊ុនថង រស់នៅភូមិ អម្ពិលក្រៅ ឃុំអម្ពិលក្រៅ ស្រុកសុីធរកណ្តាល ខេត្តព្រៃវែង។ ចំណែកអ្នកបើកបររថយន្តឡិចស៊ីស 400h ឈ្មោះ ព្រំ ធន់ ភេទប្រុស អាយុ៤៥ឆ្នាំ រស់នៅ ភូមិកែវផុស ឃុំកែវផុស ស្រុកស្ទឹងហាវ ខេត្តព្រះសីហនុ។
មន្រ្តីសមត្ថកិច្ចបានប្រាប់ទៀតថាហេតុការណ៍នេះបណ្តាលឱ្យភាគីរថយន្តឡិចស៊ីសរងរបួសធ្ងន់ បច្ចុប្បន្នកំពុងសង្រ្គោះនៅឯមន្ទីរពេទ្យកែវផុស ។ចំណែករថយន្តខាងលើ សមត្ថកិច្ចយកទៅរក្សាទុកនៅ អធិការដ្ឋានស្រុកព្រៃនប់ រង់ចាំដោះស្រាយ បន្តតាមនីតិវិធីច្បាប់ ៕ឆ្លាម សមុទ្រ
