សារព័ត៌មាន នគរវត្ត តែងតែនាំមុខគេជានិច្ច
ក្លិប Inter Milan នារដូវកាលក្រោយគឺមានភាគរយក្នុងការនាំយកOlivier Giroud ចេញពី Chelsea ទៅកាន់ខ្ពស់ក្រោយការប៉ុនប៉ងចេញរបស់កីឡាករបារាំងកាលពីខែមករាត្រូវបរាជ័យ។
កីឡាករសញ្ជាតិអង់គ្លេស Giroud និយាយថា «ខ្ញុំនៅសល់៦ខែទៀត ជាហេតុខ្ញុំចង់ចេញ (Chelsea) ដើម្បីបានលេង ហើយរីករាយលើទីលានដូច្នេះខ្ញុំបានព្យាយាមសុំចេញនៅខែមករា»។
កីឡាករវ័យ៣៣ឆ្នាំរូបនេះបានបន្តថា «សម្រាប់ Inter Milan ខ្ញុំបាននិយាយជាមួយ Conte តាមទូរសព្ទហើយ គឺគាត់ស្គាល់ខ្ញុំកាលធ្វើជាគ្រូនៅ Chelsea។ គាត់ចូលចិត្តទម្រង់លេងរបស់ខ្ញុំ ដូច្នេះនោះជាគុណប្រយោជន៍មួយ ហើយណាមួយ Inter Milan ក៏នឹងលេងនៅ Champions League ឆ្នាំក្រោយផងដែរ»។
មុនពេលបើករដូវកាលដោះដូរកីឡាករកាលពីខែមករា ខ្សែប្រយុទ្ធរបស់ក្រុមតោខៀវ Olivier Giroud បានបង្ហាញខ្លួនតែ៥ប្រកួតប៉ុណ្ណោះនៅPremier League ហើយរូបគេមិនត្រឹមតែខកខានរកគ្រាប់បាល់ទេថែមទាំងមិនអាចលេង៩០នាទីពេញទៀតផង។
ក្លិប Inter Milan បានបង្ហាញការចាប់អារម្មណ៍លើGiroud។ ចំណែកជម្រើសជាតិបារាំង ក៏បាននិយាយជាមួយលោក Antonio Conte ហើយដែរថាការផ្ទេរទៅកាន់ទឹកដី San Siro អាចនឹងទៅរួច។
កីឡាករឆ្នើមដែលជួយឱ្យបារាំងលើកពាន World Cup ឆ្នាំ២០១៨ បានទៅជួបជាមួយអ្នកចាត់ការក្រុម Frank Lampard ជាច្រើនដង អំឡុងរដូវដោះដូរកីឡាករកាលពីដើមឆ្នាំ២០២០ ប៉ុន្តែ Lampard ថាទាល់តែមានអ្នកជំនួស ទើបរូបគេអាចចេញបាន។ ដូច្នេះទើបរូបគេ ក៏បន្តនៅជាមួយChelsea ៕ ដោយ៖ ភារៈ
