សារព័ត៌មាន នគរវត្ត តែងតែនាំមុខគេជានិច្ច
លោកស្រី Dolor Sala Carrio មានវ័យ៨២ឆ្នាំ ដែលជាម្តាយបង្កើតរបស់លោក Pep Guardiola អ្នកចាត់ការក្លិប Manchester City បានស្លាប់ បន្ទាប់ពីឆ្លងវីរុសកូរ៉ូណា ។
លោកស្រី Dolor Sala Carrio បានផ្ទុកវីរុសកូរ៉ូណា បន្ទាប់ពីចេញរោគសញ្ញាក្នុងទីក្រុង Barcelona ប្រទេសអេស្ប៉ាញ ស្របពេលដែលក្លិបManchester City ប្រកាសដំណឹងដ៏ក្រៀមក្រំនេះកាលពីដើមសប្តាហ៍នេះ។ ក្រុមគ្រួសារក្លិប Man City បានចូលរួមរំលែកទុក្ខ ចំពោះគ្រួសាររបស់លោក Pep ដែលបាត់បង់មនុស្សជាទីស្រឡាញ់។
ទីក្រុង Barcelona គឺជាតំបន់មួយក្នុងប្រទេសអេស្ប៉ាញដែលមានករណីឆ្លងច្រើនជាងគេ។ គិតត្រឹមថ្ងៃទី៦ ខែមេសាមានចំនួនអ្នកស្លាប់ចំនួន១៣០៥៥នាក់ ៕
សូមបញ្ជាក់ថា កាលពីខែមីនាលោក Pep Guardiola បានចំណាយប្រាក់ផ្ទាល់ខ្លួនចំនួន១លានអឺរ៉ូដល់រដ្ឋាភិបាលអេស្ប៉ាញដើម្បីប្រយុទ្ធប្រឆាំងនឹងវីរុសកូរ៉ូណា។ ថវិកាទាំងនេះនឹងត្រូវប្រើដើម្បីទិញឧបករណ៍វេជ្ជសាស្ត្រនិងសម្ភារការពារសម្រាប់បុគ្គលិកដែលចូលរួមក្នុងការព្យាបាលអ្នកដែលត្រូវបានបញ្ជូនទៅមន្ទីរពេទ្យ ៕ដោយ៖ភារៈ
