ក្មេងប្រុសម្នាក់តាមម្ដាយបូមទឹកចាប់ត្រីធ្វេសប្រហេសលង់ទឹកស្រះស្លាប់

ខេត្តស្វាយរៀង៖ មានការភ្ញាក់ផ្អើលដល់ក្រុមគ្រួសារនិងអ្នកភូមិប្រញាប់ប្រញាលជួយសង្គ្រោះភ្លាមៗខណះក្មេងប្រុសអាយុ៤ឆ្នាំលង់ទឹកស្រះស្លាប់បន្ទាប់ពីម្ដាយជាប់រវល់បូមទឹកចាប់ត្រីធ្វេសប្រហេស។

ហេតុការណ៏នេះបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី១០ខែមេសាឆ្នាំ២០២០ស្ថិតនៅភូមិព្រៃតាញ៉យឃ៉ំខ្សែត្រស្រុកកំពង់រោទិ៍។

បើតាមសមត្ថកិច្ចនគរបាលស្រុកបានអោយដឹងថាក្មេងប្រុសរងគ្រោះមានឈ្មោះវ៉ាន់ ដាវី អាយុ៤ឆ្នាំរស់ក្នុងភូមិក្បែរកន្លែងកើតហេតុខាងលើ។

ប្រភពបន្តថាបន្ទាប់ពីទទួលពត៏មានថាមានមនុស្សលង់ទឹកស្រះភ្លាមសមត្ថកិច្ចជំនាញស្រុកនិងប៉ុស្តិ៍នគបាលឃុំសហការជាមួយនិងគ្រូពេទ្យចុះពិនិត្យលើខ្លួនសាកសពជាលទ្ធផលការស្រាវជ្រាវនៅជុំវិញកន្លែងកើតហេតុរួចទើបសមត្ថកិច្ចបានសន្និដ្ឋានថាគឺដោយសាររអិលជើងធ្លាក់ស្រះលង់ទឹកស្លាប់ពិតប្រាកដមែនខណះមិនមានស្លាកស្នាមជារឿងឃាតកម្មនោះទេ។

បើតាមអ្នកភូមិបានអោយដឹងថាក្មេងប្រុសខាងលើបានដើរទៅតាមម្ដាយខណះបូមស្រះយកត្រីលុះប្រមាណជាមួយម៉ោងស្រាប់តែមានការភ្ញាក់ផ្អើលថាកូនលង់ទឹកស្រះស្លាប់ទំរាំមានអ្នកដឹងហួសពេលទៅហើយ។

សាកសពក្មេងប្រុសត្រូវបានសមត្ថកិច្ចប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណី។ យឹម សុថាន