សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធកំពូល Edinson Cavani ដែលធ្លាប់បានជួយ Paris Saint Germain លើកពានក្នុងស្រុកស្ទើរទាំងអស់នៅរៀងរាល់រដូវកាល។
ទោះបីក្នុងវ័យ៣៣ឆ្នាំមែន តែសមត្ថភាព Cavani អាចមានហាងឆេងនៅឡើយសម្រាប់ក្លឹបធំៗ នៅអឺរ៉ុបពិសេសក្លឹបអង់គ្លេសដូចជា Chelsea ដែលចាប់អារម្មណ៍ចង់បានរូបគេ។ បើខ្សែប្រយុទ្ធឆ្នើមរូបនេះចង់លេងនៅ Premier League គឺមានតែរដូវកាលក្រោយមួយប៉ុណ្ណោះ មិនដូច្នោះទេរូបគេនឹងអស់ឱកាសជារៀងរហូតបើបន្តនៅបារាំង ឬទៅអាមេរិក ។
កីឡាករសញ្ជាតិអ៊ុយរ៉ាហ្គាយធ្លាប់ជោគជ័យនៅ Serie A ជាមួយ Napoli មុនមកធ្វើព្យុះធ្វើភ្លៀងនៅ Ligue 1 ជាមួយ PSG។ យ៉ាងណាពេលវេលាចុងក្រោយរបស់គេអាចនឹងមកដល់នៅចប់រដូវកាលនេះដោយសារផុតកុងត្រា ហើយ Cavani នឹងត្រូវសម្រេចចិត្តថាផ្លូវណាគួរដើរបន្តមុននឹងរូបគាត់ចូលនិវត្តន៍ ៕ដោយ៖ ភិរក្ស
