រថយន្តស៊េរីទំនើបមួយគ្រឿងបើកបក្នុងល្បឿនលឿនទៅបុកទ្រូងផ្លូវរងការរងការខូចខាតយ៉ាងដំណំ

ភ្នំពេញ​ ៖​ មានរថយន្តស៊េរីទំនើបម៉ាក COLORADO មួយគ្រឿងបើកបក្នុងល្បឿនលឿនបុកទ្រូងផ្លូវរងការខូចខាតយ៉ាងដំណំ ហេតុការណ៍នេះ កេីតឡេីងនូវវេលាម៉ោង៨ និង៣០នាទីយប់ថ្ងៃទី១៨ ខែមេសា ឆ្នាំ២០២០ ស្ថិតនៅតាមបណ្ដោយផ្លូវព្រះសីហនុ ក្នុងសង្កាត់បឹងកេងកង២ ខណ្ឌបឹងកេងកង រាជធានីភ្នំពេញ។

      តាមប្រភពព័ត៌មានពីប្រជាពលរដ្ឋនៅកន្លែងកើត ហេតុ បានឲ្យដឹងថា មុនពេលកើតហេតុគេឃើញរថយន្តស៊េរីទំនើបម៉ាក  COLORADO មួយគ្រឿង ពណ៌ស ពាក់ស្លាកលេខ ភ្នំពេញ 2BG-0855 ធ្វើដំណើរតាមបណ្តោយផ្លូវព្រះសីហនុ ក្នុងទិសដៅពីលិចទៅកើតក្នុងល្បឿនលឿនលុះមកដល់ចំណុចកើតហេតុខាងលើបានរេចង្កូតជ្រុលទៅបុកទ្រូងផ្លូវចំពេញទំហឹង បណ្តាលឲ្យបាក់ទ្រូងផ្លូវអស់មួយកង់ និងរថយន្តរងការខូតខាតយ៉ាងដំណំតែម្តងតែសំណាងល្អមិនបណ្តាលឲ្យមាននណាម្នាក់រងរបួសនោះទេ។ ដោយឡែកម្ចាស់រថយន្តបង្ករបានរត់គេចខ្លួនពីកន្លែងកើតហេតុភ្លាមៗ។

ក្រោយកើតហេតុ សមត្ថកិច្ចមូលដ្ឋានបានចុះមកដល់ហើយធ្វើការវាស់វែងយក រថយន្តបង្កទៅរក្សាទុកនៅខាងការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញរង់ចាំដោះស្រាយតាមនីតិវិធី៕​ ដោយ៖​ ភារ៉ា​ ដង្កោ