ខេត្តកំពង់ចាម ៖ មានករណីគ្រោះថ្នាក់ចរាចរណ៍ដែលផ្តេីមឡេីងពីការបេីកបរធ្វេសប្រហែសបានវាក់អេីជាមួួយរថយន្តមួយទៀតហេីយចាប់ហ្វ្រាំងបង្ខំបណ្តាលអោយក្បាលរថយន្តបត់ប៉ះនឹងប៊ីដុងដាក់ ប្រេងធ្លាយឆ្លងឆេះផ្អេីលពេញផ្លូវធ្វេីដំណេីរ។
តាមរបាយការណ៍សមត្ថកិច្ចបានអោយដឹងថា ករណីនេះកេីតឡេីងថ្ងៃទី១១ ខែឧសភា ឆ្នាំ២០២០ វេលាម៉ោង ១១៖២០នាទី លើផ្លូវជាតិលេខ៦ ចំណុចមុខមន្ទីរពេទ្យបង្អែកស្រុកបាធាយ ស្ថិតក្នុងភូមិបាធាយ ឃុំបាធាយ ស្រុកបាធាយ ខេត្តកំពង់ចាម។
របាយការណ៍សមត្ថកិច្ចបានបន្តថា បង្កឡើងដោយរថយន្ត១គ្រឿង ម៉ាកហ៊ីណូ ពណ៍ស ពាក់ស្លាកលេខកំពង់ចាម 3A-8193 បើកបរដោយឈ្មោះ អ៊ុន សុផាត ភេទប្រុស អាយុ២៩ឆ្នាំ មានទីលំនៅបច្ចុប្បន្ន ភូមិឬស្សីវាល ឃុំកក់ ស្រុកបរសេដ្ឋ ខេត្តកំពង់ស្ពឺ។
រថយន្តខាងលើបានបើកបរក្នុងទិសដៅពីជើងទៅត្បូង ដល់ចំណុចកើតហេតុ បានវាក់និងកូនឡានបង្អង់ល្បឿនបត់ឆ្វេង ហើយបានចាប់ហ្វ្រាំងបង្ខំ ធ្វេីអោយសឺមីរឺម៉កបានរុញបត់ក្បាលប៉ះនិងពីដុងប្រេងចំនួន០៣កាន ដែលដាក់នៅខាងក្រោមកាប៊ីន ធ្លាយឆ្លងឆេះតែម្តង ។
ឃេីញស្ថានភាពមានហានីភ័យបែបនេះ សមត្ថកិច្ចបានចេញជួយអន្តរាគមន៍បាញ់ទឹកពន្លត់អគ្គីភ័យ ដោយប្រេីប្រាស់រថយន្តខាងអធិការដ្ឋាននគរបាលស្រុកបាធាយទាំង០២គ្រឿង និងក្រោមការបញ្ជាផ្ទាល់ពីលោកវរសេនីយ៍ឯក សំ ណាល់ អធិការនៃអធិការដ្ឋាននគរបាលស្រុកបាធាយ ហើយប្រតិបត្តិការពន្លត់អគ្គីភ័យនេះ ប្រើប្រាស់ទឹកអស់ចំនួន០៣ឡាន ៕ ដោយ ៖ វណ្ណៈ
សារព័ត៌មាន នគរវត្ត តែងតែនាំមុខគេជានិច្ច
