សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ ផ្ទះចំនួន៥ខ្នងបានរលំបាក់រាបដល់ដី និង ៣៥ខ្នងផ្សេងទៀតរបើកជញ្ជាំង បុើងដំបូល ហើយសត្វគោចំនួន៣ក្បាលបានងាប់នៅក្នុងបាតុភូតគ្រោះធម្មជាតិដែលបោកបក់ចំឃុំចំនួន២របស់ស្រុកសាមគ្គីមានជ័យ ខេត្តកំពង់ឆ្នាំង ។
ហេតុការណ៍គ្រោះធម្មជាតិដ៏កាចសាហាវនេះគឺបានកើតឡើងកាលពីល្ងាចថ្ងៃទី១ខែមិថុនា ឆ្នាំ២០២០ ។
តាមប្រភពពីសមត្ថកិច្ចនគរបាលមូលដ្ឋានបានឱ្យដឹងថា ឥទ្ធិពលគ្រោះធម្មជាតិនាថ្ងៃនេះបានបោកបក់ទៅលើឃុំចំនួន២ គឺឃុំពាម និងឃុំស្វាយ របស់ស្រុកសាមគ្គីមានជ័យ ដែលគ្រោះធម្មជាតិនេះបង្កឱ្យរងនូវផលប៉ះពាល់ បាក់រលំផ្ទះរបស់ប្រជាពលរដ្ឋចំនួន៥ខ្នង និង ប៉ើងរបើកដំបូលចំនួន៣៥ខ្នងនៅឃុំស្វាយ ។
ចំណែកឯនៅឃុំពាមវិញគ្រោះធម្មជាតិរន្ទះបាញ់បានបាញ់ចំគោចំនួន៣ក្បាលរបស់ប្រជាពលរដ្ឋ បណ្តាលឱ្យងាប់ភ្លាមៗ ។ ប៉ុន្តែករណីគ្រោះធម្មជាតិនេះមិនមានគ្រោះថ្នាក់ដល់មនុស្សនោះទេ ។
ប្រជាពលរដ្ឋនៅកន្លែងកើតហេតុបានឱ្យដឹងថា នៅវេលាកើតហេតុមានខ្យល់បក់កួចយ៉ាងខ្លាំងចំភូមិរបស់គាត់ និងមានផ្គររន្ទះផងដែរ ហើយឥទ្ធិពលអាកាសធាតុដ៍អាក្រក់នេះបានបំផ្លាញផ្ទះប្រជាពលរដ្ឋអស់៤០ខ្នងតែម្តង និងងាប់គោ៤ក្បាល ។ ចន្ថា
