សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ ស្ត្រីវ័យចំណាស់ម្នាក់បានផុតដង្ហេីមនៅក្នុងរោងចិញ្ចឹមមាន់របស់ខ្លួន ក្នុងរូបភាពយកក្រមាចង.កភ្ជាប់នឹងធ្នឹមរោង ហេីយសមត្ថកិច្ចអាជ្ញាធរបានទទួលដំណឹងនេះនៅវេលាម៉ោងប្រមាណ៦ព្រឹកថ្ងៃទី០២ ខែមិថុនា ឆ្នាំ២០២០ នៅក្នុងភូមិថ្នល់ថ្មី សង្កាត់វិហារហ្លួង ក្រុងសួង ខេត្តត្បូងឃ្មុំ ។
ប្រភពព័ត៌មានពីសមត្ថកិច្ចដែលចុះទៅ ពិនិត្យបានឱ្យដឹងថា សពឈ្មោះ ស្រ៊ុន យឿន អាយុ៧៨ឆ្នាំ ជនជាតិខ្មែរ រស់នៅ ភូមិឃុំកើតហេតុខាងលើ។
ករណីនេះចូលរួមពិនិត្យដោយកម្លាំងជំនាញនៃអធិការដ្ឋាននគរបាលក្រុងសួងសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់វិហារហ្លួងរួមនឹងគ្រូពេទ្យជំនាញ អាជ្ញាធរ ក្រុមប្រឹក្សាឃុំ និងមេភូមិបានចុះធ្វើការពិនិត្យស្រាវជ្រាវរកឃេីញថា សពស្រ្តីវ័យចំណាស់រូបនេះបានធ្វើអត្តឃាតចងកដោយប្រេីក្រមាពណ៌ក្រហមលាយស ប្រវែង១.៧០ម៉ែត្រ ចងភ្ជាប់នឹងធ្នឹមរោងមាន់បណ្តាលឱ្យបាត់បង់ជីវិត។
ចំពោះមូលហេតុសមត្ថកិច្ចបញ្ជាក់ថា ជន រងគ្រោះមានសភាពចាស់ជរាវង្វេងស្មារតី ពុំមានពាក់ព័ន្ធនឹងបទល្មើសព្រហ្មទណ្ឌឡើយ។
ក្រោយពីបានពិនិត្យរួចរាល់សពត្រូវបានប្រគល់ជូនក្រុមគ្រួសារ និងសាច់ញាតិធ្វើបុណ្យតាមប្រពៃណី ៕ ដោយ ៖ វណ្ណៈ
