សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់ ៖ ស្ត្រីវ័យ៣៥ឆ្នាំម្នាក់ ត្រូវរន្ទះបាញ់បណ្តាលឲ្យរងរបួសធ្ងន់ ខណ:កំពុងភ្លៀង ហើយគាត់ដើររកផ្សិត។
ហេតុការណ៍នេះបានកើតឡើងកាលពីថ្ងៃអង្គារ ទី០២ ខែមិថុនា ឆ្នាំ២០២០ កាលពីវេលាម៉ោង ១២ និង០៥នាទី នៅចំណុចភ្នំត្រប់ ក្នុងភូមិវាលវង់ ឃុំរកាត ស្រុកភ្នំក្រវាញ ខេត្តពោធិ៍សាត់ ។
មន្ត្រីនគរបាលស្រុកភ្នំក្រវាញបានឲ្យដឹងថា ៖ ជនរងគ្រោះ ឈ្មោះ ឃុត សឿន (ហៅជ្រូក) ភេទស្រី អាយុ៣៥ឆ្នាំ រស់នៅភូមិមល់ ឃុំរកាត ស្រុកភ្នំក្រវាញ ខេត្តពោធិ៍សាត់ ។
មុនពេលកើតហេតុស្ត្រីរងគ្រោះ បានចេញពីផ្ទះទៅរកដកផ្សិត លុះដល់ចំណុចកើតហេតុខាងលើ មេឃធ្លាក់ភ្លៀង លាយឡំខ្យល់ ផ្គរន្ទះ ក៏ស្រាប់តែរន្ទះបាញ់ត្រូវចំ ពោះ ជើង និងភ្លៅខាងស្តាំរបស់គាត់ធ្វើឲ្យរន្ធត់ស្មារតីដួលសន្លប់ ត្រូវអ្នកស្រុកទៅរកផ្សិតជាមួយបញ្ជូនទៅមណ្ឌលសុខភាពភ្នំក្រវាញ ។
អាជ្ញាធរមូលដ្ឋានបានឲ្យដឹងថា ៖ ជនរងគ្រោះរងរបួសកំពុងសម្រាកព្យាបាលនៅមណ្ឌលសុខភាពភ្នំក្រវាញដោយ ករណីស្ត្រីដែលត្រូវរន្ទះបាញ់គិតមកពេលនេះគាត់បានរួចផុតពីការគ្រោះថ្នាក់ដល់អាយុជីវិត។
សូមបញ្ជាក់ថា៖ មួយរយៈនេះទាំងសត្វពាហនៈ មនុស្សត្រូវបានរន្ទះបាញ់ឆក់យកជីវិត ហើយនៅតាមទីជនបទ។ ដូច្នេះសូមបងប្អូនមេត្តាប្រុងប្រយ័ត្ន ពេលភ្លៀងកុំចេញពីផ្ទះ នៅតាមវាលស្រែ នៅក្រោមដើមឈើ ។ល។ ងាយគ្រោះថ្នាក់ និងគ្រោះធម្មជាតិនេះ៕ដោយ៖បុឹម ពិន
