សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅម៉ោង១០និង៣០នាទីព្រឹក ថ្ងៃទី៦ ខែមិថុនា ឆ្នាំ២០២០ កម្លាំងជំនាញនៃអធិការដ្ឋានករបាលខណ្ឌឫស្សីកែវសហការជាមួយនឹងកម្លាំងនគរបាលប៉ុសិ៍្តស្វាយប៉ាក បានចុះស្រាវជ្រាវនិងបង្ក្រាបស្រ្តីជាជនសង្ស័យជួញដូរថ្នាំញៀនម្នាក់រួមជាមួយម្សៅក្រាមពណ៌សថ្លាចំនួន៧កញ្ចប់(ធំ១កញ្ចប់) នៅចំណុចក្រុម៧ ភូមិ ឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
លោកហ៊ាង ថារ៉េត អធិការនគរបាលខណ្ឌឫស្សីកែវបានឲ្យដឹងថា ក្នុងប្រតិបត្តិការនោះសមត្ថកិច្ចយើងឃាត់ខ្លួនបាន ជនសង្ស័យម្នាក់ឈ្មោះ ហួន ស្រីតូច (ហៅបារាំង) ភេទស្រី អាយុ៣៩ឆ្នាំ ជនជាតិខ្មែរ មានទីលំនៅក្នុងក្រុម៧ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ មុខរបរលក់ដូរ ។
សម្ភារដកហូតមានម្សៅក្រាមពណ៌សថ្លាចំនួន៧កញ្ចប់(ធំ១កញ្ចប់) ។
ក្រោយពីឃាត់ខ្លួនជនសង្ស័យ រួមនឹងវត្ថុតាងត្រូវបានកម្លាំងជំនាញបញ្ជូនទៅកាន់អធិការដ្ឋាននគរបាលខណ្ឌឫស្សីកែវដើម្បីកសាងសំណុំរឿងតាមនីតិវិធីបញ្ជូនទៅតុលាការ៕ដោយ៖ស រស្មី
