សារព័ត៌មាន នគរវត្ត តែងតែនាំមុខគេជានិច្ច
ក្រុមបិសាចក្រហម Manchester United បានបរាជ័យក្នុងការដេញថ្លៃ៨៩លានផោនសម្រាប់កីឡាករ Ansu Fati អាយុ១៧ឆ្នាំរបស់ក្រុម Barcelona បន្ទាប់ពីបោះបង់ពីការចង់បានកីឡាករខ្សែប្រយុទ្ធសញ្ជាតិអង់គ្លេស Jadon Sancho អាយុ២០ឆ្នាំរបស់ក្រុម Borussia Dortmund ផងដែរ។
ក្រុម Ajax បានបញ្ជាក់ថា ក្រុមបិសាចក្រហម Manchester United កំពុងចាប់អារម្មណ៍ក្នុងការចុះហត្ថលេខាលើខ្សែបម្រើហូឡង់អាយុ២៣ឆ្នាំ Donny van de Beek ពីក្លឹបរបស់ខ្លួន។
ក្រុមតោខៀវ Chelsea កំពុងប្រជែងជាមួយក្លឹប Tottenham និង Borussia Dortmund ក្នុងការចុះហត្ថលេខាលើខ្សែបម្រើសញ្ជាតិប្រេស៊ីល Gerson វ័យ២៣ឆ្នាំ។
ក្លឹប Newcastle United អាចត្រូវបានទិញដោយសហគ្រិនជនជាតិអាមេរិកប្រសិនបើក្រុមហ៊ុនដែលដឹកនាំដោយជនជាតិអារ៉ាប់ប៊ីសាអូឌីតបញ្ចប់ការកាន់កាប់ក្លឹបមួយនេះ។
ក្លឹបWest Ham កំពុងតែរង់ចាំមើលថា តើខ្សែការពារស្លាបស្តាំអង់គ្លេសដែលផុតកុងត្រាឈ្មោះ Jeremy Ngakia អាយុ១៩ឆ្នាំក្លាយជាកីឡាករទី១នៅ Premier League ដែលបដិសេធមិនបន្តកុងត្រារយៈពេលខ្លី។
ខ្សែបម្រើ Henrikh Mkhitaryan របស់ក្រុមកាំភ្លើងធំ Arsenal ចង់ធ្វើការផ្លាស់ប្តូរជាអចិន្ត្រៃយ៍ទៅកាន់ក្រុម Roma បន្ទាប់ពីកីឡាករអាមេនីវ័យ៣១ឆ្នាំរូបនេះបានចូលរួមជាមួយក្រុម Serie A ក្នុងលក្ខខណ្ឌខ្ចីជើងមួយរដូវកាលពីរដូវក្តៅមុន។
ក្រុមបិសាចក្រហម Manchester United គ្រោងនឹងយល់ព្រមលើកិច្ចសន្យាថ្មីជាមួយខ្សែការពារស្លាបឆ្វេង Brandon Williams អាយុ១៩ឆ្នាំនិងអ្នកចាំទី Dean Henderson អាយុ ២៣ ឆ្នាំដែលបានចំណាយពេល ២ រដូវកាលចុងក្រោយក្នុងការខ្ចីជើងជាមួយក្លឹប Sheffield United ។
ខ្សែបម្រើសញ្ជាតិអេស្ប៉ាញ Dani Ceballos អាយុ២៣ឆ្នាំបានបើកចំហរចំពោះការផ្លាស់ប្តូរជាអចិន្ត្រៃយ៍ពី Real Madrid បន្ទាប់ពីចំណាយពេលមួយរដូវកាលដើម្បីខ្ចីជើងជាមួយ Arsenal ។
Arsenal នៅតែពេញចិត្តក្នុងការចុះហត្ថលេខាលើខ្សែបម្រើសញ្ជាតិអេស្ប៉ាញ Marc Roca អាយុ២៣ឆ្នាំមកពី Espanyol ៕
ដោយ៖ភារៈ
