សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រសួងសុខាភិបាលបានជូនដំណឹងដល់ម្ចាស់អាជីវកម្ម KTV ក្លិបកម្សាន្ត ខារ៉ាអូខេ រង្គសាល និងបៀរហ្គាឌិនទូទាំងប្រទេស ដែលរាជរដ្ឋាភិបាលធ្លាប់បានប្រកាសបិទបណ្ដោះអាសន្នកាលពីពេលកន្លងទៅរួចមកហើយនោះគឺត្រូវតែអនុវត្តតាមការណែនាំនេះឲ្យបានខ្ជាប់ខ្ជួន ដើម្បីបង្ការទប់ស្កាត់ និងប្រយុទ្ធប្រឆាំងជាមួយជំងឺកូវីដ-១៩ ហើយរហូតមកដល់ពេលនេះមិនទាន់អនុញ្ញាតឲ្យបេីកដំណេីរការវិញនៅឡេីយទេ។
ដោយឡែកមកដល់ថ្ងៃទី២៥ខែមិថុនាឆ្នាំ២០២០នេះ យេីងសង្កេតឃើញថា មានម្ចាស់អាជីវកម្មជាង១០ទីតាំង នៅតាមបណ្តោយផ្លូវបេតុង ក្បែរប៉ុស្តិ៍នគរបាលរដ្ឋបាលស្ទឹងមានជ័យ៣ សង្កាត់ស្ទឹងមានជ័យ៣ ខណ្ឌមានជ័យ បានផ្គេីននឹងសេចក្តីជូនដំណឹងរបស់ក្រសួងសុខាភិបាល បានបេីកអាជីវកម្ម ខារ៉ាអូខេ (KTV) យ៉ាងចំហរ។
ការដាក់កំហិតយ៉ាងម៉ឺងម៉ាត់ពីក្រសួងសុខាភិបាលយ៉ាងដូច្នេះ គឺរាជរដ្ឋាភិបាលបានប្រកាសបញ្ជាឱ្យបិទបណ្ដោះអាសន្ននូវអាជីវកម្ម KTV ក្លិបកម្សាន្ត ខារ៉ាអូខេ រង្គសាល ជាច្រេីនកន្លែងទូទាំងប្រទេស ប៉ុន្តែយេីងសង្កេតឃើញថាមានទីតាំងអាជីវកម្មមួយចំនួនខាងលេីនៅតែបន្តសកម្មភាពដដែល៕
ដោយ ៖ភារ៉ា ដង្កោ
