ថន លក្ខិណា បង្ហាញសម្រស់ស្អាតប្លែកក្រោយគ្រងឈុតប្រពៃណី និងបុរាណ

ភ្នំពេញ៖ តារាសម្តែង និងពិធីការិនីកញ្ញា ថន លក្ខិណា បានធ្វើឲ្យទស្សនិកជនកោតសរសើរខ្លាំងក្រោយពី​នាងបានបង្ហាញ​មុខក្នុង ឈុតសម្លៀកបំពាក់បែបប្រពៃណី និងបុរាណខ្មែរ ដែលនាងកម្រនឹងស្លៀក។

​ក្នុងឈុតសម្លៀកបំពាក់ផ្សព្វផ្សាយសម្អាងការមួយចំនួន បានធ្វើឲ្យ ពិធីការិនី ថន លក្ខិណា ស្រស់ស្អាតប្លែក ព្រោះតែកន្លងមកតារាស្រីរូបនេះនិយមតែស្លៀកសម្លៀកបំពាក់​បែបសម័យនិយមតែប៉ុណ្ណោះ។ កាន់តែស្រស់ស្អាត និងទទួលបានការពេញចិត្តច្រើន​ពីទស្សនិកជនគឺក្រោយពីនាងនិងបងស្រីអ្នកនាង ថន តារា បានគ្រងសម្លៀកបំពាក់បុរាណ ជាស្រីសួគ៌អប្សរា។ អ្នកគាំទ្រនាង និងបងស្រីជាច្រើននាក់បានធ្វើការចែករំលែករូបថតដ៏ស្រស់ស្អាតទាក់ទាញអមដោយពាក្យសរសើរថាសាកសម និងស្នើឲ្យ​ពិធីការិនីរូបនេះចូលរោងការឆាប់ៗផងដែរ៕ ដោយ៖ វឌ្ឍនា