សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ នៅថ្ងៃព្រហស្បតិ៍្ត ១២កេីត ខែអាសាឍ ឆ្នាំជូត ទោស័ក ព.ស២៥៦៤ ត្រូវថ្ងៃទី ០២ខែកក្កដា ឆ្នាំ២០២០ លោក ម៉ៅ ហាក់ លោក តែ ណាវុធ លោក សូ សុភ័ទ្ទ លោកស្រី ញឹម សុភា លោក យិន សាវុធ ដែលជាប្រធាន អនុប្រធាន និងព្រមទាំងសមាជិកក្រុមការងារថ្នាក់ជាតិចុះជួយឃុំជ្រៃលាស់ បាននាំយកទៀនព្រះវស្សា ទេយវត្ថុ និងបច្ច័យរបស់ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងលោកស្រី ប្រគេនដល់ព្រះសង្ឃគង់ចាំព្រះវស្សាចំនួន ០៦វត្ត ដែលក្នុង ០១វត្តៗ មាន ៖
-ទៀនព្រះវស្សា ចំនួន ០១គូ
-អង្ករ ចំនួន ២បាវ ស្មេីនឹង ១០០គីឡូក្រាម
-មី ចំនួន ៥កេស
-ប្រេង ០១កាន ចំណុះ ៣០លីត្រ
-បច្ច័យ ៤២០.០០០រៀល
-និងគ្រឿងបរិក្ខាមួយចំនួន។
ក្រុមការងារបានឧបត្ថម្ភដល់ តាជី យាយជី ក្រុមការងារមូលដ្ឋានឃុំ ប៉ូលិស និងប្រជាការពារ ដែលបានចូលរួម ចំនួន ៨៣នាក់ ក្នុងម្នាក់ៗ ២០.០០០រៀល ។
បន្ទាប់មកក្រុមការងារ សហការណ៍ជាមួយយុវជនឃុំ បានទៅសួរសុខទុក្ខគ្រូសារសព លោក អុី សារិន អាយុ៥១ឆ្នាំ នៅភូមិត្រពាំងព្រលិត ដែលបានគ្រោះថ្នាក់ដោយសារផ្ទះគ្រាប់បែកកែឆ្នៃ ព្រមទាំងចូលរួមបុណ្យចំនួន ១០០.០០០រៀល និងឧបត្ថម្ភ អនុប្រធានភូមិត្រពាំងព្រលិត យុវជនឃុំជ្រៃលាស់ និងប្រជាការពារ ចំនួន ៨០.០០០រៀល លោកមេភូមិពពែ ៥០.០០០រៀល ៕
ដោយ៖សុខខេមរា
