សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖មិនដល់២ខែផងក្រោយករណីGeorge Floyd ត្រូវប៉ូលិសសង្កត់ករហូតដល់ស្លាប់ ។ នៅពេលនេះប៉ូលិសក្នុងទីក្រុងAllentown រដ្ឋ Pennsylvania ត្រូវបានគេមើលឃើញប្រើជង្គង់សង្កត់កជនជាតិស្បែកខ្មៅ បង្កឲ្យមានបាតុកម្មកើតឡើងជាថ្មី ។
តាមសារព័ត៌មានCBS បានផ្សាយថា ឃ្លីបវីដេអូដែលថតបាន គឺប៉ូលិសសង្កត់កជនជាតិស្បែកខ្មៅនៅមុខ មន្ទីរពេទ្យSt. Luke Sacred Heart ក្នុងទីក្រុង Allentown កាលពីថ្ងៃ១១ខែកក្កដា។ ឃ្លីបវីដេអូ មានរយៈពេល២៤វិនាទី ប៉ុន្តែបានធ្វើឲ្យ ពលរដ្ឋ នៅទីក្រុង Allentown ខឹងសម្បាយ៉ាងខ្លាំង ក៏នាំគ្នាធ្វើបាតុកម្មជាថ្មី។ អភិបាលក្រុង និងស្នងការប៉ូលិសទីក្រុងAllentown បានបង្ហាញវត្តមានដើម្បី បន្ថយភាពតានតឹង។
លោក Justan Parker ប្រធានក្រុមBlack Lives Matter នៅទីក្រុងAllentown បានឲ្យដឹងថា «ចប់ហើយយើង! មនុស្សគ្រប់គ្នា គិតថារឿងបែបនេះនឹងមិនកើតឡើងនៅទីនេះឡើយ ប៉ុន្តែវាទើបតែកើតឡើង កាលពីម្សិលមុិញ ល្មមគ្រប់គ្រាន់ហើយ»។
អ្វីដែលបានកើតឡើងនៅក្នុងឃ្លីបវីដេអូគឺដូចទៅនឹង អ្វីដែលបានកើតឡើងចំពោះGeorge Floyd ដែលត្រូវប៉ូលិសចាប់សង្កត់ក។ លោកJustan Parker បន្តទៀតថាតាមរយៈឃ្លឺមវីដេអូជនជាតិស្បែកខ្មៅ មិនមានតម្លៃឡើយចំពោះប៉ូលិសនៅទីក្រុងAllentown៕ដោយ៖ធី រីណា
