តុលាការអូស្ត្រាលីប្ដឹង Google ពីបទរំលោភបំពានក្នុងការប្រើប្រាស់ទិន្នន័យផ្ទាល់ខ្លួនរបស់អ្នកប្រើ ដើម្បីទាញយកផលចំណេញពីការផ្សព្វផ្សាយពាណិជ្ជកម្ម

អន្តរជាតិ៖ បន្ទាប់ពីរកឃើញថា ក្រុមហ៊ុនបច្ចេកវិទ្យាយក្សរបស់អាមេរិក គឺGoogle បានរំលោភបំពានក្នុងការប្រើប្រាស់ទិន្នន័យផ្ទាល់ខ្លួនរបស់អ្នកប្រើធ្វើជាគោលដៅក្នុងការផ្សព្វផ្សាយពាណិជ្ជកម្ម ដោយមិនបាន ជូន ដំណឹងដល់អ្នកប្រើ ពេលនេះតុលាការអូស្ត្រាលី បានចាប់ផ្ដើមដំណើរការនិតិវិធីរបស់ខ្លួនក្នុងការប្រឆាំងនឹងក្រុមហ៊ុន Googleមួយនេះ ។

សារព័ត៌មាន Reuters បានដកស្រង់ពីគណៈកម្មការប្រកួតប្រជែង និងគណៈកម្មការអ្នកប្រើប្រាស់អូស្រ្តាលី នៅថ្ងៃទី២៧ ខែកក្កដាឆ្នាំ២០២០បានឱ្យដឹងថា តុលាការអូស្រ្តាលី បានចាប់ផ្ដើមអនុវត្តនិតិវិធីរបស់ខ្លួន បន្ទាប់ពីរកឃើញថា ក្រុមហ៊ុន Google មិនបានពន្យល់ ឬជូនដំណឹងដល់អ្នកប្រើចាប់ពីឆ្នាំ ២០១៦ ទៅលើការដាក់បញ្ចូលគ្នានៃទិន្នន័យផ្ទាល់ខ្លួនអ្នកប្រើ ចូលទៅក្នុងបញ្ជីនៃការផ្សព្វផ្សាយ ពាណិជ្ជកម្ម។

មានន័យថា ក្រុមហ៊ុន Google បានស្រង់ទិន្នន័យអ្នកប្រើ និងយកទៅរៀបចំជាតារាងទិន្នន័យមួយ ទុកសម្រាប់ធ្វើការផ្សព្វផ្សាយពាណិជ្ជកម្មនៅពេលដែល មានអតិថិជនត្រូវការ ដែលការរៀបចំនេះ Google មិនបានជូនដំណឹងដល់អ្នកប្រើប្រាស់ឡើយ។

គួរបញ្ជាក់ថា ពាក់ព័ន្ធនឹងករណីនេះ តុលាការអូស្ត្រាលីទាមទារឱ្យក្រុមហ៊ុនGoogle ចូលខ្លួនមកបំភ្លឺ និងបកស្រាយ ប៉ុន្តែបើតាមការបញ្ជាក់ពីតុលាការGoogle អាច ប្រឈមមុខនឹងផាកពិន័យ ប៉ុន្តែមិនបានបញ្ជាក់ពីតួលេខនៃចំនួនទឹកប្រាក់ឡើយ៕ដោយ៖ស តារា