សារព័ត៌មាន នគរវត្ត តែងតែនាំមុខគេជានិច្ច
កាលពីថ្ងៃ ទី២០ ខែសីហា ចៅក្រមរដ្ឋ ញូវយ៉កលោកVictor Marrero បានច្រានចោលព័ត៌មានផ្សព្វផ្សាយថា ប្រធានាធិបតី ដូណាល់ ត្រាំ មានសកម្មភាពដើម្បីទប់ស្កាត់ ការបង្ហាញឯកសារពន្ធដារផ្ទាល់ខ្លួនរបស់លោក។
នៅក្នុងសេចក្តីសម្រេចរបស់តុលាការមានប្រវែង១០៣ ទំព័រ ចៅក្រម Victor Marrero បានច្រានចោលគោលជំហររបស់ប្រធានាធិបតីដូណាល់ត្រាំ ដែលបានលើកឡើងថា ការស្រាវជ្រាវ ពីឯកសារពន្ធដាររបស់លោកត្រាំ ក្នុងរយៈពេល៨ឆ្នាំគឺរយៈពេលវែងពេក អាចធ្វើឲ្យក្លាយទៅជាចំណុច វាយប្រហារនយោបាយមកលើរូបលោក។
ការសម្រេចរបស់ចៅក្រម គឺមិនបង្ខំឲ្យលោកត្រាំ ត្រូវបង្ហាញឯកសារពន្ធដាររបស់លោកនៅមុនពេលបោះឆ្នោត នាខែវិច្ឆិកាឆ្នាំ២០២០នោះឡើយ។ ប្រធានាធិបតីត្រាំអាចតវ៉ាបានក្នុងរយៈពេល៣ខែ ។
ក្នុងរយៈពេល៣ឆ្នាំកន្លងមក លោកត្រាំ ទទួលបានជោគជ័យនៅក្នុងការទប់ស្កាត់ ការលាតត្រដាងឯកសារបង់ពន្ធរបស់លោក តាមសំណើររបស់សភា ។ ការស្រាវជ្រាវរបស់សភា ក៏បានផ្តោតថាតើលោកត្រាំមានទទួលប្រាក់ពីរុស្ស៊ីដែរឬទេ ហើយលោកត្រាំមានគេចពន្ធក្នុងអំឡុងឆ្នាំ១៩៩០ ដល់ឆ្នាំ២០២០ដែរទេ។
ក្នុងការស្រាវជ្រាវ ក្រុមហ៊ុនMazars ទទួលបន្ទុក គណនីរបស់លោកត្រាំ ព្រមទាំងធនាគារ Deutche របស់អាល្លឺម៉ង និងធនាគារ Capital One គឺទទួលបានការ ស្នើរឲ្យលាតត្រដាងលិខិតពន្ធដាររបស់លោកត្រាំ ៕ដោយ៖ធី រីណា
