សារព័ត៌មាន នគរវត្ត តែងតែនាំមុខគេជានិច្ច
ក្លិប Lazio បានអះអាងថា អ្នកចាំទីសញ្ជាតិអេស្ប៉ាញ Pepe Reina ដែលជាអតីតអ្នកជួយឲ្យអេស្ប៉ាញឈ្នះពានរង្វាន់ពិភពលោកបានចុះហត្ថលេខាសម្រាប់ក្លិប Lazio ដោយទិញបានពីក្លិប AC Milan ។
អ្នកចាំទី Pepe Reina មានវ័យ៣៧ឆ្នាំបានខ្ចីជើងនៅក្លិប Aston Villa ពីក្រុម AC Milan តាំងពីខែមករាមកម្ល៉េះត្រូវបានក្លាយជាអ្នកចាំទីជម្រើសដំបូងលោក Tom Heaton ។ ក្លិបបាននិយាយនៅក្នុងសេចក្តីថ្លែងការណ៍ខ្លីមួយថា ក្លិប Lazio បានប្រកាសថា អ្នកចាំទីរូបនេះបានទទួលសេវាកម្មកីឡារបស់លោក Jose Manuel Reina Paez ជាអចិន្ត្រៃយ៍ហើយ។
កីឡាករ Pepe Reina បានរារាំងមិនឲ្យគូប្រកួតស៊ុតបញ្ចូលទីចំនួន៣៦ដងនៅជាជម្រើសជាតិរបស់ប្រទេសអេស្ប៉ាញ និងជាអ្នកជួយឲ្យក្រុមអេស្ប៉ាញឈ្នះព្រឹត្តិការណ៍ World Cup ឆ្នាំ២០១០ ដែលធ្លាប់លេងឱ្យ Barcelona និង Villarreal នៅមុនពេលចូលរួមជាមួយក្រុម Liverpool ក្នុងឆ្នាំ២០០៥ ។
គាត់បានបង្ហាញខ្លួនចំនួន៣៩៤លើកសម្រាប់ក្រុម Liverpool មុនពេលផ្លាស់ទៅលេងឲ្យក្លិប Bayern Munich ក្នុងឆ្នាំ២០១៤ បន្ទាប់មកបានផ្លាស់ទៅលេងនៅក្លិបអុីតាលី Napoli និង AC Milan ។សូមបញ្ជាក់ថា Lazio បានបញ្ចប់ក្នុងចំណាត់ថ្នាក់លេខ៤ក្នុងក្របខ័ណ្ឌ Serie A កាលពីរដូវកាលមុនដើម្បីឈានទៅប្រកួតក្របខ័ណ្ឌ Champions League ជាលើកដំបូងក្រោយខកខានរយៈពេល១៣ឆ្នាំ ៕ដោយ៖ភារៈ
