សារព័ត៌មាន នគរវត្ត តែងតែនាំមុខគេជានិច្ច
ភរិយាអតីតប្រធានាធិបតីអាមេរិក បារ៉ាក់ អូបាម៉ា គឺលោកស្រី Michelle Obama បានបង្ហាញការខឹងសម្បាយ៉ាងខ្លាំងដល់ការរើសអើងជាតិសាសន៍ជាប្រព័ន្ធ កើតចេញពីសេតវិមាន និងតំបន់ជាច្រើនផ្សេងទៀតក្នុងទឹកដីអាមេរិក។
នៅក្នុងសេចក្តីប្រកាសនាថ្ងៃទី២៩ខែសីហា លោកស្រីMichelle Obama បានលើកឡើងពីការធ្វើបាតុកម្ម នៅទីក្រុង Kenosha រដ្ឋ Wisconsin ដោយលោកស្រីបញ្ជាក់ថា «ប៉ុន្មានខែកន្លងមកខ្ញុំគិតច្រើនពីអ្វីដែលកូនក្មួយរបស់យើងត្រូវប្រឈមមុខនៅក្នុងទឹកដីអាមេរិក នោះគឺជាការមិនអធ្យាស្រ័យ ការបែងចែក បំបែកបំបាក់ ប្រកាន់ជាតិសាសន៍កើនឡើងតាំងពីយូរណាស់មកហើយ។
សារព័ត៌មាន Politico បានដកស្រង់សម្តីលោកស្រី Michelle Obamaបានបញ្ជាក់ថា «ពេលខ្លះក្រុមយុវវ័យបានមើលឃើញរឿងរ៉ាវរើសអើងជាតិសាសន៍ចេញពីការផ្សព្វផ្សាយនៅសេតវិមាន »។
ការលើកឡើងរបស់លោកស្រីMichelle Obama ក្នុងពេលដែលមានអំពើហិង្សានៅទីក្រុង Kenosha ក្លាយជាបញ្ហាក្តីសម្រាប់ទឹកដីអាមេរិកនាពេលនេះ ក៏ដូចជា ការប្រកួតប្រជែងតំណែង ប្រធានាធិបតីអាមេរិក ក្នុងការបោះឆ្នោតនៅខែវិច្ឆិកាឆ្នាំ២០២០។
កាលពីថ្ងៃទី២៦ខែសីហាកន្លងមក បេក្ខភាពប្រធានាធិបតីអាមេរិកមកពីគណបក្សសាធារណរដ្ឋ លោកចូបៃឌិនក៏បានអំពាវនាវឲ្យបញ្ចប់សកម្មភាពប្រើហិង្សាពីកម្លាំងប៉ូលិសទៅលើក្រុមបាតុកម្មដែរ។ ជាមួយគ្នានោះលោកបៃឌិនបានចោទប្រកាន់ លោកត្រាំចាក់សាំងបន្ថែមចូលភ្លើង គឺធ្វើឲ្យពលរដ្ឋអាមេរិកកាន់តែបែកបាក់គ្នា ៕ដោយ៖ធី រីណា
