សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់ក្នុងចំណោមបក្សពួក២នាក់ ត្រូវបានមេការសំណង់និងប្រជាពលរដ្ឋចាប់ប្រគល់ឲ្យសមត្ថកិច្ច កាលពីវេលាម៉ោង៩និង៣០នាទីព្រឹកថ្ងៃទី៣ ខែកញ្ញា ឆ្នាំ២០២០ ស្ថិតនៅសំណង់បុរីពិភពថ្មី២ ក្នុងភូមិព្រៃកីខ សង្កាត់ពងទឹក ខណ្ឌដង្កោ រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យម្នាក់ដែលឃាត់ខ្លួនមានឈ្មោះ រស់ សារិន ភេទប្រុស អាយុ៣៦ឆ្នាំ មុខរបរនិងស្នាក់នៅមិនពិតប្រាកដ ។ ចំណែកម្នាក់ទៀតដែលរត់គេចខ្លួនមានឈ្មោះ ចិត្រ ភេទប្រុស អាយុប្រហែល២៧ឆ្នាំ
មុខរបរនិងស្នាក់នៅមិនពិតប្រាកដ ។
សមត្ថកិច្ចបានឲ្យដឹងទៀតថា មុននឹងឃាត់ខ្លួនជនសង្ស័យខាងលេីបានគឺ ពួកគេមានគ្នា២នាក់បានជិះម៉ូតូមួយគ្រឿងម៉ាក ហង់ដាឌ្រីម ស៊េរីឆ្នាំ២០១១ មិនចាំស្លាកលេខ មកធ្វេីសមក្មភាពកាច់កម៉ូតូជាងសំណង់នៅក្នុងបុរីពិភពថ្មី២ខាងលេី ខណៈកាច់កម៉ូតូបានសម្រេចហើយ បម្រុងបណ្ដេីរចេញ ក៏ត្រូវបានមេការសំណង់ឃេីញក៏សួរនាំទេីបដឹងថាជាចោរ ក៏ឃាត់ខ្លួនបានម្នាក់ប្រគល់ឲ្យសមត្ថកិច្ច
ប៉ុស្ដិ៍នគរបាលរដ្ឋបាលពងទឹក ចំណែកបក្សពួកម្នាក់ទៀតដឹងខ្លួនទាន់ក៏បានជិះម៉ូតូគេចខ្លួនបាត់ទៅ ។
បច្ចុប្បន្ន ជនសង្ស័យឈ្មោះ រស់ សារិន ត្រូវបានសមត្ថកិច្ចប៉ុស្ដិ៍នគរបាលរដ្ឋបាល ពងទឹក កសាងសំណុំរឿងបញ្ជូនទៅអធិការដ្ឋាននគរបាលខណ្ឌដង្កោ ដេីម្បីចាត់ការបន្តតាមនីតិវិធី ៕
ដោយ៖ ភារ៉ា ដង្កោ
